ސަރުކާރުން އެންމެބޮޑު އިސްކަމެއް ދެއްވާނީ ޒުވާނުންނަށް: ރައީސް
21 ނޮވެމްބަރ 2013 23:58
ސަރުކާރުން އެންމެބޮޑު ސަމާލުކަމެއް ދެއްވަނީ ޒުވާނުންގެ ޙަރަކާތްތައް އިތުރުކުރައްވައި، ޒުވާނުންގެ އެއްބާރުލުމާއި، ތާއީދާއި އިތުބާރު ހޯއްދެވުމަށް ކަމުގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަދު ވިދާޅުވެއްޖެއެވެ.
ރައީސް މިހެން ވިދާޅުވީ އެމަނިކުފާނުގެ ކެބިނެޓަށް މިއަދު ތިން ވަޒީރުން އެއްޔަން ކުރެއްވުމަށްފަހު އެބޭފުޅުންނާ ވާހަކަފުޅު ދައްކަވަމުންނެވެ.
އެމަނިކުފާނު ވިދާޅުވީ މަސައްކަތް ކުރައްވާނީ އެކުލަވާލެ ތާވަލެއްގެ ދަށުން ކަމަށެވެ. އެތާވަލުގައި އެންމެ އިސްކަމެއްދެއްވާނީ ޒުވާނުންނަށް ކަމަށެވެ. އެމަނިކުފާނު ވިދާޅުވީ މުއައްސަސާތައް ހިންގެވުމާއި، ދައުލަތަށް ބޭނުންވާ ކަންކަން ކުރިއަށް ނެރުއްވުމުގައި، ޒުވާނުންގެ އިތުބާރު ބޭނުންފުޅުވާ ކަމަށެވެ.
ޒުވާނުންނަށް އިސްކަމެއް ދެއްވި ކަމަށްވިޔަސް ޕީ.ޕީ.އެމް.ގެ މެނިފެސްޓޯގައި ހުރި ކަންކަން، ރައްޔިތުންނަށް ކޮށްދެއްވައި، އިޚްލާސްތެރިކަމާއެކު ޚިދްމަތްތައް ދެއްވުމުގައި، އެމަނިކުފާނު ވަޒީރުންގެ އަރިހުން އެދިވަޑައިގެންނެވިއެވެ.
ކިޔުންތެރިންގެ ހިޔާލު