ރިޔާސީ އިންތިޚާބުގެ ދެވަނަބުރު އާދީއްތަ ދުވަހު ބާއްވާ ގޮތަށް ނިންމައިފި

ރިޔާސީ އިންތިޚާބުގެ ފުރަތަމަ ބުރު އަންނަ ހޮނިހިރު ދުވަހު ބޭއްވުމަށްފަހު ދެވަނަ ބުރު ޖެހިގެން އަންނަ އާދީއްތަ ދުވަހު ބާއްވާގޮތަށް އިލެކްޝަންސް ކޮމިޝަނުން ނިންމަފައިފިއެވެ.

ދެވަނަބުރު އާދީއްތަ ދުވަހު ބޭއްވުމަށްޓަކައި ދެވަނަބުރަށް ރީރަޖިސްޓްރީ ކުރުމުގެ ފުރުސަތުވެސް ވަނީ ހުޅުވާލާފައިފައެވެ. އަލުން ރަޖިސްޓްރީ ކުރުމުމަށް ހުޅުވާލާފައިވަނީ މިއަދު ހެނދުނު 9.00 އިން 12.00 އަށެވެ.

އެކޮމިޝަނުން ކޮށްފައިވާ އިއުލާނެއްގައި ބުނެފައިވަނީ ހޮނިހިރު ބާއްވާ އިންތިޚާބަށްފަހު ދެވަނަ ބުރަށް ދާންޖެހިއްޖެ ކަމަށްވާނަމަ ޖެހިގެން އަންނަ އާދީއްތަ ދުވަހު ބާއްވާނެ ކަމަށެވެ. ދެވަނަބުރުގެ ވޯޓުލުންވެސް އޮންނާނީ ހެނދުނު 7.30 އިން ހަވީރު 4.00 އަށެވެ. ދެވަނަބުރުގެ އިންތިޚާބަށްފަހު އާދީއްތަދުވަހުގެރޭ 11.30 ގައި ނަތީޖާ އިއުލާން ކުރައްވާނެ ކަމަށެވެ.

އިލެކްޝަންސްކޮމިޝަނުން ކުރިން ބުނެފައިވަނީ ފުރަތަމަބުރު މިމަހުގެ 9 ވަނަ ދުވަހު ބޭއްވުމަށްފަހު ދެވަނަބުރު ބާއްވާނީ މިމަހުގެ 16 ވަނަ ދުވަހު ކަމަށެވެ. ނަމަވެސް ރައީސް ޑރ. މުހައްމަދު ވަހީދު ރިޔާސީ ކެންޑިޑޭޓުންނާއި، އިލެކްޝަންސް ލޮމިޝަނުގެ މެންބަރުންނާއި، ކެންޑިޑޭޓުންގެ މަންދޫބުންނާ އިއްޔެ ބައްދަލު ކުރެއްވުމަށްފަހު އިންތީޚާބު އަވަސް ކޮށްދެއްވުމަށް އެދިވަޑައިގެންނެވިއެވެ.

ދެވަނަ ބުރަކަށް ގޮސް އާދީއްތަ ދުވަހުގެ ރޭ ރަސްމީ ނަތީޖާ އިއުލާން ކުރެވިއްޖެ ކަމަށްވާނަމަ ޖެހިގެން އަންނަ 11 ވަނަ ދުވަހު އާ ރައީސަށް ހުވައި ކުރެވޭނެއެވެ.