އިންތިޚާބު މިއަދު ބާއްވަން އިލެކްޝަނުންނިންމައިފި

ވޯޓާސް ލިސްޓުގައި ހުރިހާ ކެންޑިޑޭޓުން ސޮއިނުކުރި ކަމަށްވިޔަސް ރިޔާސީ އިންތިޚާބު މިއަދު ބާއްވާނެ ކަމަށް އިލެކްޝަންސްކޮމިޝަނުގެ ރައީސް ފުވާދު ތައުފީގު ވިދާޅުވެއްޖެއެވެ.

ރޭ ފަތިހު ބޭއްވި ނިއުސް ކޮންފަރެންސެއްގައި އިންތިޚާބުމިއަދު ބާއްވަން ނިންމެވިއިރު ވޯޓާސް ލިސްޓުގައި ސޮއިކުރައްވާފައިވަނީ އެމްޑީޕީގެރިޔާސީ ކެންޑިޑޭޓް މުހައްމަދު ނަޝީދު އެކަންޏެވެ. ޖުމްހޫރީ ގުޅުމުގެ ރިޔާސީކެންޑިޑޭޓް ގާސިމް އިބްރާހީމާއި، ޕީޕީއެމްގެ ކެންޑިޑޭޓް އަބްދުﷲ ޔާމީން އަދިވެސްއެލިސްޓުގައި ސޮޔެއް ނުކުރައްވައެވެ.

ކެންޑިޑޭޓުން ނުވަތަ އެބޭފުޅުންގެ މަންދޫބުން ފައިނަލްލިސްޓުގައި ސޮއިކުރަންޖެހޭނެ ކަމަށް ސްޕްރީމް ކޯޓުން ދީފައިވާގައިޑުލައިންގައިވެއެވެ.

މިއަދު އިންތިޚާބު ބާއްވައިގެން ނުވާނެ ކަމުގެއަމުރަކަށް އެދި ރޭ ޖުމްހޫރީޕާޓީންނާއި ޕީޕީއެމް އިން ވަނީ ސްޕްރީމް ކޯޓުގައިއެދިފައެވެ. ނަމަވެސް އެކޯޓުން އެފަރާތްތަކަށް ފޮނުވި ސިޓީގައި ވިދާޅުވެފައިވަނީއިންތިޚާބުގައި ކަންކަން ކުރަންވީގޮތް އެކޯޓުން ކުރައްވާފައިވާ ހުކުމުގައި ވާނެކަމަށެވެ. އެހުކުމަކީ ސެޕްޓެމްބަރު މަހު ހަތެއްގައި ބޭއްވި އިންތިޚާބު ބާތިލްކުރުމަށްފަހު އަލުން އިންތިޚާބު ބޭއްވުމަށް ނެރެފައިވާ ހުކުމެވެ.

އިލެކްޝަނުން ބުނެފައިވަނީ މިއަދު ހެނދުނު 7.30ގައި މާލޭގައި ވޯޓުލާން ފެށޭނެ ކަމަށެެވެ. ނަމަވެސް ބައެއް ރަށްރަށުގައި"އެކިގަޑިތަކުގައި ވޯޓުލާން ފެށުމަކީ އެކަށީގެންވާ ކަމެއް" ކަމަށްއިލެކްޝަންސް ކޮމިޝަންގެ ނާއިބު ރައީސް އަހުމަދު ފަޔާޒު ވިދާޅުިވިއެވެ. ނަމަވެސްމެންދުރު 12.00 ގައި ހުރިހާ ރަށެއްގައިވެސް ވޯޓުލާން ފެށޭވަރުވާނެ ކަމަށް އުންމީދުކުރައްވާ ކަމަށެވެ. ކެންމެ ގަޑިއެއްގައި ވޯޓުލާން ފެށިޔަސް ބާތިލް ކުރިއިންތިޚާބުގައި ދީފައިވާ ވަރަށް ވަގުތު ދެއްވާނެ ކަމަށް ފަޔާޒު ވިދާޅުވިއެވެ. އެފަހަރުވަގުތު ދީފައިވަނީ ހެނދުނު 7.30 އިން ހަވީރު 4.00 އަށެވެ. އޭނާ ވިދާޅުވީ ވޯޓުދެދުވަހަކަށް ދެމިގެން ނުދާނެ ކަމަށެވެ. އަދި މިރޭ 9.00 ގައި ވޯޓުލައި ނިމޭނެކަމަށް އުންމީދު ކުރައްވާ ކަމަށެވެ.

ފަޔާޒު ވިދާޅުވީ އެކޮމިޝަނުން މިހާރު ގެންދަވަނީ ފުލުހުންގެ އެހީތެރިކަމާ އެކު ރަށްރަށްފޮނުވަން ޖެހޭ ތަކެތި ފޮނުވަން މަސައްކަތް ކުރަމުން ކަމަށެވެ.

އިލެކްޝަންސް ކޮމިޝަންގެ ރައީސް ފުވާދު ތައުފީގުވިދާޅުވީ މިއަދު ހެނދުނު ވޯޓުލުމުގެ ކަންކަން ނުފެށުނީ ރަށްރަށަށް ފޮނުވަންޖެހޭއެއްޗެހި ރަށްރަށް ގެންދިޔުމުގައި ފުލުހުންގެ އެހީތެރިކަން ނުލިބުމުގެ ސަބަބުންކަމަށެވެ. ނަމަވެސް އެކަން އެހެންދީމާވީ "ކޮމިޔުނިކޭޝަން" ގެމައްސަލައަކުން ކަމަށް ގަބޫލު ކުރައްވާ ކަމަށް އެކޮމިޝަނުގެ މެންބަރު އަލީމުހައްމަދު ވިދާޅުވިއެވެ. އޭނާ ވިދާޅުވީ އެމައްސަލަވެސް މިހާރު ސާފުވެ ފުލުހުންގެފަރާތުން ލިބެންވާ އެއްބާރުލުން ލިބޭނެ ކަމަށް ފުލުހުން މިހާރު ބުނެފައިވާކަމަށެވެ.

 މިއަދު އިންތިޚާބު ބާއްވާއިރު ޖުމްހޫރީ ގުޅުމުންބުނެފައިވަނީ ކެންޑިޑޭޓުން ސޮއިނުކުރަނީސް ބާއްވާ އިންތިޚާބެއްވާނީ ޣައިރު ގާނޫނީއިންތިޚާބަކަށް ކަމަށެވެ. "ޖުމްހޫރީ ގުޅުމުގެ އެންމެހައި މެންބަރުންނާއި މި ގުޅުމަށް ތާއިދު ކުރައްވާ އެއްވެސް ދިވެހިރައްޔިތަކު މި ޣައިރު ގާނޫނީއިންތިހާބުގައިބައިވެރިނުވުމަށާއި މި އިންތިޚާބު ކުރިއަށް ގެންދިއުމަށް އެއްވެސް އެއްބާރުލުމެއް ނުދިނުމަށް، މި ފުރުސަތުގައި އިލްތިމާސް ކުރަމެވެ."ޖުމްހޫރީ ގުޅުމުން ނެރެފައިވާ ބަޔާނެއްގައި ބުނެފައިވެއެވެ.

އިލެކްޝަންސްކޮމިޝަނުން ބުނެފައިވަނީ އެކޮމިޝަނުން މަސައްކަތް ކުރަނީ ސްޕްރީމްކޯޓުގެގައިޑުލައިނާ އެއްގޮތަށް ކަމަށެވެ. ނަމަވެސް ލިބިފައިވާ ވަގުތު މަދުކަމުންކޮންމެވެސް ވަރެއްގެ މައްސަލަތަކެއް ހުރުމަކީ އެކަށީގެންވާ ކަމެއް ކަމަށްވިދާޅުވިއެވެ. ދުނިޔޭ އެއްވެސް ތަނެއްގައި އެއްވެސް މައްސަަލައެއް ނެތްއިންތިޚާބެއް ބޭއްވިފައިނުވާ ކަމަށްވެސް އެކޮމިޝަނުން ވަނީ ބުނެފައެވެ.