މެމްބަރު ހަސަން ލަތީފު ޖުމްހޫރީ ގުޅުމަށް ތާއިދު ކުރަން ނިންމަވައިފި

ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެމްބަރު ހަސަން ލަތީފު ޖުމްހޫރީގުޅުމުގެ ރިޔާސީ ކެންޑިޑޭޓް ގާސިމު އިބްރާހީމަށް ތާއިދު ކުރައްވަން މިރޭ ނިންމަވައިފިއެވެ.

ހަސަން ލަތީފަކީ ޑިއާރްޕީގެ މެންބަރެކެވެ. ނަމަވެސް އޭނާ ޖުމްހޫރީ ގުޅުމަށް ތާއީދު ކުރައްވަން ފަށްޓަވާފައިވަނީ ޑީއާރުޕީން ވަކިވެ ވަޑައިގެންތޯ ނުވަތަ ނޫންތޯ ޔަގީނެއް ނުވެއެވެ. އޭނާ ޖުމްހުރީ ގުޅުމަށް ތާއީދު ކުރައްވަން ފަށްޓަވާފައިވަނީ ޖުމްހޫރީގުޅުމުން ހިތަދޫގައި މިރޭ ބޭއްވި ޖަލްސާއެއްގައެވެ. އޭނާ ވަނީ މިޖަލްސާގައި ބައިވެރިވެ ވަޑައިގެންފައެވެ.

ހަސަން ލަތީފް ޖުމްހޫރީގުޅުމަށް ތާއީދު ކުރައްވަން ފެށްޓެވުމުން އެގުޅުމުގެ ރިޔާސީ ކެންޑިޑޭޓް ވަނީ އޭނާއަށް ޝުކުރު އަދާ ކުރައްވާފައެވެ. ގާސިމް ވިދާޅުވީ "ޖުމްހޫރީ ގުޅުމަށް އިތުބާރު ކުރައްވައި ހަސަން ލަތީފް ގުޅިވަޑައިގެންނެވީތީ ޝުކުރު ދަންނަވަން" ކަމަށެވެ. ގާސިމް ވިދާޅުވީ ކަނޑިތީމު ދާއިރާގެ މެންބަރު މުހައްމަދު ހުސައިންވެސް ވަނީ ޖޭޕީ ގުޅުމަށް ތާއިދު ކުރައްވާނެ ކަމަށް ވިދާޅުވެފައި ކަމަށެވެ.

މިހާރު ކުރަމުންދާ ރިޔާސީ ކެންޕޭނުގައި ޑީއާރުޕީ ތާއިދު ކުރަމުންދަނީ އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދަށެވެ. ނަމަވެސް އެޕާޓީގެ ޕާލިމެންޓްރީގެ ބައެއް މެންބަރުންނާއި ކައުންސިލްގެ ބައެއް މެންބަރުންވަނީ ތަފާތު ޕާޓީތަކަށް ތާއިދު ކުރައްވަން ފަށްޓަވާފައެވެ.