އިންތިޚާބާ ގުޅޭ ވާހަކަ ތަކުގައި ބައިވެރި ވާނަން: އެމްޑީޕީ

މިއަހަރުނޮވެމްބަރު 11 ވަނަ ދުވަސް އަންނައިރު އިންތިޚާބު ކުރެވިފައިވާރައީސުލްޖުމްޖުމްހޫރިއްޔާއަކު ނުހުރެދާނެތީ އެކަމާ ގުޅޭގޮތުން ކުރާ މަޝްވަރާތަކުގައި އެމްޑީޕީން ބައިވެރިވާނެ ކަމަށް އެޕާޓިން ބުނެފިއެވެ.

ގާނޫނުއަސާސީއަށްއިހުތިރާމް ކުރެއްވުމަށް އެހެން ޕާޓީތަކަށް ގޮވާލައި އެމްޑީޕީން ނެރެފައިވާބަޔާނެއްގައި ބުނެފައިވަނީ "ނޮވެމްބަރ 11 ވަނަ ދުވަހުގެ ނިޔަލަށް ރައްޔިތުންއިންތިހާބު ކޮށްފައިވާ ރައިސުލްޖުމްހޫރިއްޔާއަކު ނުހުރެދާނެތީ އެކަމާމެދު ކަންބޮޑުވެވަގުތީ ހައްލެއް ހޯދުމަށް މި ޕާޓީ އިން ރައްޔިތުންގެ މަޖިލިހަށްޤާރާރެއް ހުށަހަޅާ އޮކްޓޯބަރ 27 ވަނަ ދުވަހު ވާނީ އެ ގަރާރު ފާސްކޮށްފައެވެ."

މިފަދަ ގަރާރެއްފާސްކުރައްވާފައިވިޔަސް ނޮވެމްބަރު 11 އަންނައިރު "ރައްޔިތުންގެ ވޯޓަކުންއިންތިހާބު ވެފައިވާ ސަރުކާރެއް އޮތުން މުހިންމުކަމުގައި ދެކޭތީ އިންތިހާބާއި ގުޅޭގޮތުން ދެކެވޭ މަޝްވަރާތަކުގައި" އެޕާޓީން ބައިވެރިވާނެ ކަމަށްބުނެފައިވެއެވެ.  

އެމްޑީޕީގެޗެއާޕާސަން މޫސާ މަނިކު ވިދާޅުވެފައިވަނީ ގާނޫނޫ އަސާސީ އިސްލާހު ކުރެވުނީއެޕާޓީގެ މަސައްކަތުން ކަމަށެވެ. "އަދިޤާނޫނު އަސާސީން މިނިވަން މުސްތަޤިއްލުކޮމިޝަންތަކަށް ފުރުޞަތު ދީފައިވަނީ އެމީހުން މުސްތަޤިއްލު ކަމާއިއެކުމަސައްކަތް ކުރުމަށް ޖާގަ ދިނުމަށް. ވީމާ ޤާނޫނު އަސާސީއަށް އިހްތިރާމް ކުރެއްވުމަށް އަޅުގަނޑު އެހެން ޕާޓީ ތަކަށްއިލްތިމާސްކުރަން."  މޫސާ މަނިކު ވިދާޅުވިއެވެ.

ރިޔާސީއިންތިހާބު ނޮވެމްބަރު 2 ވަނަ ދުވަހު ބޭއްވުމަށް ރިޔާސީ ކެންޑިޑޭޓުން ވަނީއިލެކްޝަންސް ކޮމިޝަނާ އިއްޔެ ބައްދަލު ކުރައްވައިފައެވެ. ނަމަވެސް އެކޮމިޝަނުންބުނެފައިވަނީ އެތާރީޚުގައި އިލެކްޝަން ނުބޭއްވޭނެ ކަމަށެވެ. މިހާރު ހަމަޖެހިފައިވާގޮތުން އިންތިޚާބުގެ ފުރަތަމަ ބުރު ބާއްވާނީ ނޮވެމްބަރު 9 ވަނަ ދުވަހުއެވެ.