ޖޭޕީން ލެޕްޓޮޕާއި ޓީވީ ބެހި މައްސަލަ އެމްޑީޕީން އިލެކްޝަނަށް ހުށަހަޅައިފި

ޖުމްހޫރީ ގުޅުމުގެ ރިޔާސީ ކެންޑިޑޭޓްޤާސިމް އިބްރާހީމް އައްޑުއަތޮޅުގެ ބައެއް ރަށްރަށަށް ލެޕްޓޮޕާއި، ޓީވީ، އެއަރކޮންޑިޝަނަރ،ސްމަރޓްބޯޑް ޝިޕްމަންޓެއް ގެންދިޔަ މައްސަލައެއް އެމްޑީޕީން އިލެކްޝަންސްކޮމިޝަނަށް މިއަދު ހުށަހަޅައިފިއެވެ.

އެޕާޓީންވަނީ މިމައްސަލައިގެ އިތުރަށްއިލްކްޝަނާ ގުޅުންހުރި 6 މައްސަލައެއް ޝަކުވާގެ ގޮތުގައި އިލެކްޝަންސް ކޮމިޝަނަށްހުށަހަޅައިފައެވެ

ލެޕްޓޮޕް ފަދަ ތަކެތި ބެހިމައްސަލާގައިއެމްޑީޕީން ބުނެފައިވަނީ "23 ޖޫން 2013 ގައި ސ. ހިތަދޫއަށް އިދިކޮޅުރިޔާސީ ކެނޑިޑޭޓު ގާސިމް އިބްރާހިމްގެ ވިލާ ކުންފުނީގެ "ވާލި"ދޯނިން ލެޕްޓޮޕާއި، ޓީވީ، އެއަރކޮންޑިޝަނަރ، ސްމަރޓްބޯޑް ޝިޕްމަންޓެއްގެންދިޔަ،" ކަމަށެވެ. އަދި އެޝިޕްމަންޓް އައްޑޫސިޓީގެ ބައެއް ސްކޫލަށްބަހާފައިވާ ކަމަށްވެސް އެޕާޓީގެ ވެބްސައިޓުގައި ބުނެފައިވެއެވެ.

އެމްޑީޕީގެ ވެބްސައިޓުގައި ބުނެފައިވަނީމިއީ ރިޔާސީ ކެމްޕެއިންގެ ތެރޭގައި އިންސާފުން އެއްކިބާވެފައިވާ ކަމެއްކަމަށް ބެލެވޭކަމަށެވެ. އެހެންކަމުން އެމައްސަލަ ތަހުގީގުކޮށް ގާނޫނާއި އެއްގޮތަށް ފިޔަވަޅުއަޅައި ދިނުމަށް އިލެކްޝަނުގައި އެދިފައިވާނެ ކަމަށެވެ.

އެމްޑީޕީން ބުނެފައިވަނީ މިއަހަރުގެޖޫންމަހު 19 ވަނަ ދުވަހު ބޭއްވި "މުޅި ހެންވޭރު އެއްބުރުން" ޖަލްސާގައި އެޕާޓީގެރިޔާސީ ކެނޑިޑޭޓު ރައީސް މުޙައްމަދު ނަޝީދު ވާހަކަފުޅުދައްކަވަނިކޮށް ސައިކަލުގައި އައިބަޔަކުއެތަނަށްވަދެ ކެމްޕެއިނަށް ހުރަސްއެޅުމަށް މަސައްކަތްކޮށްފައިވާ މައްސަލަވެސްހުށަހަޅާފައިވާނެ ކަމަށެވެ. އަދި ޖޫންމަހުގެ 23 ވަނަދުވަހު ށ،ރ،ލ މިތިން އަތޮޅުޖަގަހައިގެ ބިއްލޫރިގަނޑު ތަޅާލައި ބިސް އުކާއި ތަނަށް ގެއްލުންދީފައިވާމައްސަލަވެސް ހުށަހަޅާފައިވާނެ ކަމަށެވެ.

މިމަހުގެ 7 ވަނަ ދުވަހު ލ. ފޮނަދޫގައި އެމްޑީޕީމެންބަރަކު ކެމްޕެއިން ބިލްބޯޑް ހަރުކުރަން އުޅުމުންރަށު ކައުންސިލުން އެކަން ހުއްޓުވި މައްސަލަވެސް ހުށައެޅިފައިވެއެވެ.އެމްޑީޕީން ބުނެފައިވަނީ އެޕާޓީގެ ބިލްބޯޑެއް ހަރުނުކުރެވުނުއިރު އެރަށުގައިއެހެން ޕާޓީތަކުގެ ބިލްބޯޑް ހަރުކޮށްފައިވާކަމަށެވެ. މީގެ އިތުރަށް ޅ. ނައިފަރުރަށު ކައުންސިލުން ވޯޓުލުމަށް ހަމަޖެހިފައިވާ މަރުކަޒާ ޖެހިގެންހުރި އިމާރާތް ފުލުހުން ފުލުހުން ތިބުމަށް ދީފައިވާ މައްސަލަވެސްހުށަހަޅާފައިވާނެ ކަމަށް އެމްޑީޕީން ހާމަކުރެއްވިއެވެެ.

މިޝަކުވާތަކާ ގުޅިގެން އިލެކްޝަންސްކޮމިޝަނުގެ ރައީސް ފުވާދު ތައުފީގާއު، ނާއިބު ރައީސް ފަޔާޒާއި، ޖުމްހޫރީޕީގެރިޔާސީ ކެންޑިޑޭޓް ޤާސިމް އިބްރާހީމް ތަރުޖަމާނު އިބްރާހީމް ޚަލީލަށް ގުޅާލުމުންއެއްވެސް ބޭފުޅަކު ފޯނެއް ނުނަންގަވައެވެ.

މީގެ އިތުރަށް ރައީސްނަޝީދަށްވޯޓުނުލުމަށް ކަމަށްބުނެ ޕޮލިސް ކޮމިޝަނަރ ޢަބްދުﷲ ރިޔާޒްއަށް މީހަކުފޮނުވާފައިވާ ސިޓީ ފުލުހުންގެ ގާނޫނާ ޚިލާފަށް ޓްވީޓްކުރައްވައިފައިވާ މައްސަލަވެސް ޝަކުވާގެ ގޮތުގައި ހުށަހަޅާފައިވެއެވެ. އަދި ފޮލިސްކޮމިޝަނަރު ޢަބްދުﷲ ރިޔާޒް ޑިފެންސް މިނިސްޓަރާއި ޑރ. މުޙައްމަދުވަހީދު ހަސަން މަނިކު ގެ ކެމްޕެއިން ޓީމާއެކު މަތިންދާބޯޓެއްގައި ތިއްބެވި މަންޒަރުދައްކުވައިދޭ ފޮޓޯއެއްގެ މައްސަލަ ވެސް އެމްޑީޕީންވަނި ހުށަހަޅާފައެވެ.

ރިޔާސީ އިންތިޚާބުގެ ޤަވާއިދުގެ 11ވަނަމާއްދާގެ (ހ)ގައި ވަނީ "ކެންޑިޑޭޓަށް ތާއީދު ހޯދުމަށް މަސައްކަތް ކުރުމުގައި،އެހެން ކެންޑިޑޭޓެއްގެ އިންތިޚާބީ ޙައްގަކަށް އުނިކަމެއްއަތުވެދާނެ އެއްވެސް ކަމެއް ކޮށްގެން ނުވާނެ" ކަމަށެވެ. އެމްޑީޕީންއިލެކްޝަނަށް ޝަކުވާ ހުށަހަޅާފައިވަނީ މިމާއްދާގެ ދަށުންނެވެ.