ރައީސް ނަޝީދު އުޅުއްވާ ގޮތަށް އުޅެން އެހެން ކެންޑިޑޭޓުންނަށް ވަނީ މަޖޫބުރުވެފައި- އިންތި

އެމްޑީޕީގެ ރިޔާސީ ކެންޑިޑޭޓް ރައީސް މުޙައްމަދު ނަޝީދު އުޅުއްވާ ގޮތަށްއުޅުއްވަން ރިޔާސީ އެހެން ކެންޑިޑޭޓުންނަށް މަޖުބޫރު ވެފައިވާ ކަމަށް އެމްޑީޕީގެތަރުޖަމާނު އިމްތިޔާޒު ފަހުމީ (އިންތި) ވިދާޅު ވެއްޖެއެވެ.

ދުވަސް އޮންލައިނަށް މައުލޫމާތު ދެއްވަމުން އިންތި މިއަދު ވިދާޅުވީ ރައީސްނަޝީދަށް ލިބެމުންދާ ހުރިހާ ކާމިޔާބީގެ އަސްލަކީވެސް ކެންޕޭން ކުރެއްވުމުގައިއެމަނިކުފާނު ގެންގުޅުއްވާ ސާދާ ތަފާތު ގޮތްތައް  ކަމަށް އޭނާ ވިދާޅުވިއެވެ. އިންތި ވިދާޅުވީ ކެންޕޭންކުރުމުގައި ކުރިން ނޭނގޭ އެތައް ކަމެއް އެހެން ކެންޑިޑޭޓުންވަނީ ރައީސް ނަޝީދުގެއަރިހުން ދަސްކުރައްވާފައި ކަމަށެވެ.  

"ރައީސް ނަޝީދު ގެންދަވަނީ އެކި ސިޔާސަތުތައް ވަކިވަކިން އާންމުކުރައްވަމުން. ސްޕޯޓްސް ސިޔާސަތު އާންމު ކުރެއްވި އިރު ސްޕޯޓްސް ގިއަރގައިހުންނަވައިގެން ތަފާތު ކުޅިވަރު ކުޅުއްވި. އެއަށްފަހު އެހެން ކެންޑިޑޭޓުންފަޓުލޫން ތުރުކުރައްވައިގެން ތިއްބަވައިގެންވެސް ކުޅިވަރު ކުޅުއްވަން މަސައްކަތްކުރައްވާ،" އިންތި ވިދާޅުވިއެވެ.

އިންތި ވިދާޅުވީ ރައީސް ނަޝީދު ކެންޕޭން ކުރައްވަމުން ގެންދަވާ ހަލުއިސްޕީޑުގައި އެހެން ކެންޑިޑޭޓަކަށް އެކަން ނުކުރެވޭނެ ކަމަށެވެ. އެމަނިކުފާނުގެންދަވަނީ ކުޅިވަރު ކުޅުއްވަން ޖެހިވަޑައިގެންފިއްޔާ އެކަން ކުރައްވަމުން، ކަނޑުއަޑިއަށް ފީނަން ޖެހިވަޑައިގެންފިއްޔާ އެކަންވެސް ކުރައްވަމުން އެހެން މީހުންނަށްތަފާތު ދައްކަވަމުން ކަމަށެވެ. އެމަނިކުފާނު ނޫނީ ކަންނެލި އޮޑިއެއްގައި ކެންޕޭންދަތުރު ކުރެއްވި ކެންޑިޑޭޓަކު ނެތް ކަމަށްވެސް އިންތި ވިދާވިއެވެ. އެހެން ކަމުން އެމަނިކުފާނުއުޅުއްވާ ގޮތަށް އުޅުއްވުމަށް ރިޔާސީ އެހެން ކެންޑިޑޭޓުންނަށް މިހާރު މަޖުބޫރު ވެފައިވާކަމަށެވެ. "ރައީސް ނަޝީދު އިއްޔެ ހެނދުނު ހުންނެވީ މާލޭގައި، ހުކުރުގެ ކުރިންއޮންނެވީ ފުވައްމުލަކު ކަނޑުއަޑީގައި، ރޭ ހުންނެވީ ކޮލަމާފުށީގައި، މިއަދުހުންނެވީ އައްޑޫގައި، މިރޭ ހުންނަވާނީ ގއ.ދާންދޫގައި،" އިންތި ވިދާޅުވިއެވެ.

 އޭނާ ވިދާޅުވީ ރައީސް ނަޝީދު މިހާރުވަނީ ދޮރުން ދޮރަށް ހިންގެވުމަށްފަހު ރައްޔިތުންގެފަރާތުން ބޭނުންވާ މައުލޫމާތު އެއްކުރައްވާފައި ކަަމަށެވެ. ނަމަވެސް އެހެންކެންޑިޑޭޓުންނަށް އަދި ޑޯ ޓު ޑޯ ވެސް ނެފެށޭ ކަމަށް އޭނާ ވިދާޅުވިއެވެ. އެހެންކަމުން ރައީސް ނަޝީދަށް މިފަހަރުގެ އިންތިޚާބު ވާނެ ކަމާމެދު ޝައްކު ނުކުރައްވާކަމަށް އޭނާ ވިދާޅވިއެވެ.