މަޖިލިސް ޕްރައިމަރީ މޮނިޓަރކުރުމުގެ ފުރުސަތު އެމްޑީޕީން ހުޅުވައިފި

މިމަހު 24 ވަނަދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖްލިސް އެމް.ޑީ.ޕީ ޕްރައިމަރީ މޮނިޓަކުރުމުގެ ފުރުސަތު ރާއްޖޭގެ އެންމެހާ މީޑިއާއަކަށް އެޕާޓީން މިއަދު ހުޅުވައިފިއެވެ.

އެމްޑީޕީގެ ވެބްސައިޓުގައި ބުނެފައިވަނީ "މި އިންތިޚާބް މޮނިޓަރ ކުރުމަށްޓަކައި އިތުރަށް ރަޖިސްޓްރީކުރަން ނުޖެހޭނެ" ކަމަށެވެ. ކޮންމެ މިޑީއާއަކުންވެސް އެ މިޑާއާއަކަށް ޚާއްސަކުރެވިފައިވާ ފާސް ދެއްކުމުން އިންތިޚާބް މޮނިޓަކުރުމުގެ އިންތިޒާމް ވޯޓްލާ މަރުކަޒުތަކުގައި ހަމޖެހިފައިވާނެ ކަމަށްވެސް ބުނެފައިވެއެވެ.

މި އިންތިޚާބްގެ ވޯޓްލުން އޮންނާނީ މިމަހު 24 ވަނަދުވަހު މެންދުރުފަހު 2.30 އިން ރޭގަނޑު 8.00 އަށް މާލެ ނަމަ ދަރުބާރުގޭގައެވެ. އަދި ރަށްރަށުގައި އެމް.ޑީ.ޕީ ހަރުގެ ތަކުގައި ކަމަށްވެސް ބުނެފައިވެއެވެ. ދަރުބާރުގޭގައި 30 ވޯޓުފޮށި ބަހައްޓާ ގޮތަށް އެމްޑީޕީންވަނީ ނިންމާފައެވެ.

ޕްރައިމަރީގައި ވާދަކުރައްވާ ބޭފުޅުން ގެންދަވަނީ ޕްރައިމަރީއަށް ކެންޕޭން ކުރައްވަމުންނެވެ.