ވަޅިހެރުމުގެ ސަބަބުން އެކަކު މަރުވެ އިތުރު މީހަކު ޒަޚަމް ވެއްޖެ
24 ޑިސެމްބަރ 2013 23:29
މިރޭ ދެޒުވާނެއްގެ ގަޔަށް ވަޅިހެރުމުގެ ސަބަބުން އެކަކު މަރުވެއްޖެއެވެ. ދެވަނަ މީހާއަށް އަޖީއެމްއެޗުގައި މިހާރުދަނީ ފަރުވާ ދެމުން ކަމަށް ފުލުހުންވަނީ ހާމަކުރައްވާފައެވެ.
މީގެ ތެރެއިން މަރުވިމީހާ މަރުވެފައިވަނީ ވަޅިހަރައި ޒަޚަމްކޮށްލުމުން އައިޖީއެމް ހޮސްޕިޓަލަށް ގެންގޮސް ފަރުވާ ދެމުން ދަނިކޮށް ކަމަށްވެސް ފުލުހުންވަނީ ހާމަ ކުރައްވާފައެވެ.
މައުލޫމާތު ލިބިފައިވާ ގޮތުގައި މިހާދިސާ ހިނގާފައިވަނީ ބުރުޒު މަގުގައި ހުންނަ ކޯފީކޯނަރު ކައިރީގައެވެ. މިރޭ 10.30 އެހައިކަންހާއިރު ހިނގި މިމާރާމާރީ ގައި މަރުވެފައިވަނީ މއ. ޢާއިޝާ، ހުސައިން ވަހީދެވެ. އޭނާގެ އުމުރަކީ 21 އަހަރު ކަމަށްވެސް ފުލުހުންވަނީ ހާމަކުރައްވާފައެވެ. ޒަޚަމްވެގެން އައިޖީމް ހޮސްޕިޓަލުގައި ފަރުވާދެމުންދަނީ ޢުމުރުން 18 އަހަރުގެ ޒުވާނަކަށެވެ.
މި މާރާމާރީއާ ގުޅިގެން މިހާތަނަށް އެއްވެސް މީހަކު ފުލުހުންގެ ބެލުމުގެ ދަށަށް ގެނެސްފައިނުވެއެވެ. މިމީހުންނަށް ހަމަލާ ދިން މީހުން ހޯދުމަށް ފުލުހުން މިހާރުވަނީ ހާއްސަ އޮޕަރޭޝަނެއް ފަށައިފައެވެ. އަދި މިމައްސަލަ ފުލުހުން ދަނީ ތަހުގީގު ކުރަމުންނެވެ. ފުލުހުންގެ މީޑިއާ އިން ބުނީ މިއީ ގްރޫޕްމާރާމާރީއެއް ކަމެއް އަދި އެހެން ގޮތަށް ހިންގި މާރާމާރީއެއް ކަމެއްވެސް ނޭނގޭ ކަމަށެވެ. މިކަމާ ބެހޭ ގޮތުން އިތުރު އެއްވެސް މައުލޫމާތެއް ދެވެން އިތުރަށް އަދި ދެވެންނެތް ކަމަށްވެސް ބުންޏެވެ.
ކިޔުންތެރިންގެ ހިޔާލު