ޖޭއެސްސީ ގެ މެންބަރު ކަމަށް ހަމްޒާ ހޮވައިފި

ރައްޔިތުންގެ މަޖިލީހުން ޖުޑީޝަލް ސާވިސް ކޮމިޝަން (ޖޭއެސްސީ) އަށް އެމްޑީޕީގެ ބިލަތްދޫ ދާއިރާގެ މެންބަރުއަހްމަދު ހަމްޒާ ހޮވައިފިއެވެ.

ރައްޔިތުންގެ މަޖިލީހުގެމިއަދުގެ ޖަލްސާގައި ހަމްޒާ އެމަގާމަށް ހޮވާފައިވަނީ 43 މެންބަރުންގެ ވޯޓުލިބިގެންނެވެ. އޭނާ އެމަގާމަށް ހޮވުމަށް ނުފެންނަ ކަމަށް 27 މެންބަރުންވޯޓުދީފައިވެއެވެ. ވަކި ކޮޅަކަށް ވޯޓު ނުދެއްވާ އެއް މެންބަރަކު އިންނެވިއެވެ.

ރިޔާސަތުން މިއަދު އެންމެފުރަތަމަށް ވޯޓަށް އެއްސެވީ ހަމްޒާއާ ވާދަ ކުރެއްވި ޖުމްހޫރީޕާޓީގެ ނާއިބު ލީޑަރުއަދި ގެމަނަފުށީ ދާއިރާގެ މެންބަރު އިލްހާމް އަހުމަދުގެ ނަމަށެވެ. އޭނާގެ ނަންފާސްކުރުމަށް 37 ވޯޓު ބޭނުންވެއެވެ. ނަމަވެސް އޭނާއަށް ލިބުނީ 34 ވޯޓެވެ. އޭނާއާދެކޮޅަށް 39 މެންބަރުން ވޯޓު ދީފައިވެއެވެ.

 ޖޭއެސްސީއަށް އަލުން މެންބަރަކު އިންތިޚާބުކުރެއްވީ ރައްޔިތުންގެ މަޖިލީހުން އެކޮމިޝަނުގައި ކުރިން އިންނެވިމާމިގިލީދާއިރާގެ މެންބަރު ގާސިމް އިބްރާހީމް އިސްތިއުފާ ދެއްވުމުންނެވެ. އޭނާއިސްތިއުފާ ދެއްވީ ރިޔާސީ އިންތިޚާބުގައި ވާދަ ކުރެެެއްވުމަށެވެ.