ދައުލަތުން ދެއްވާ އިއްޒަތް ތިން ބޭފުޅަކަށް މިއަދު ދެއްވައިފި
4 ސެޕްޓެމްބަރ 2013 17:18
ދައުލަތުން ދެއްވާ އިއްޒަތާއި ޝަރަފް 3 ބޭފުޅަކަށް ރައީސުލްޖުމްހޫރިއްޔާ ޑރ. މުހައްމަދު ވަހީދު ހަސަން މިއަދު ދެއްވައިފިއެވެ.
މިބޭފުޅުންނަކީ މިއަހަރުގެ މިނިވަންދުވަހުގެ މިނާސަބަތުގައި ޖުލައި މަހު 26 ވަނަ ދުވަހުގެރޭ ޢިއްޒަތް އެރުވި ބޭފުޅުންނެވެ.
މިއަދު ހެނދުނު ރައީސް އޮފީހުގައި ޢިއްޒަތް އެރުވި ދެބޭފުޅުންނަކީ، މާފަންނު އަވީލާ، އިސްމާޢީލް ފަތުޙީއާއި، މައްޗަންގޮޅީ، ޗަމްޕާވިލާ، ޗަމްޕާ ޙުސައިން ޢަފީފެވެ.
އިސްމާޢީލް ފަތުޙީއަށް އަރުވާފައިވަނީ، ނިޝާން ޢިއްޒުއްދީނުގެ ޢިއްޒަތުގެ ވެރިކަން (ނ.ޢ.ޢ.ވ) އެވެ. ޗަމްޕާ ޙުސައިން ޢަފީފަށް އެރުވުނީ، ނިޝާން މުލީގޭ ޝަރަފުގެ ޢިއްޒަތް (ނ.މ.ޝ.ޢ) އެވެ.
ޝަރަފްވެރިކަމުގެ ޤައުމީ އިނާމު އެރުވުނީ، އިސްލާމްދީނުގެ ހޭލުންތެރިކަން އިތުރުކުރުމާއި، ޚިދްމަތް ކުރުމާއި، ދީނީ ޢިލްމު އުނގަންނައިދިނުމުގެ ދާއިރާއިން މާފަންނު، ދިމްޔާޠު، ފަޟީލަތުލް އުސްތާޛުއްޝައިޚް ޙުސައިން ޢަބްދުއްރަޙްމާނަށެވެ.
މިނިވަންދުހު މިބޭފުޅުންނަށް އިއްޒަތް އަރުވާފައިވިޔަސް އިއްޒަތް ހަވާލުކުރި ރަސްމިއްޔާތަށް މިބޭފުޅުންނަށް ވަޑައި ނުގަނެވުމުން އައްޑަނައާއި، ޝަރަފްގެ ބެޖާއި ހަނދާނީ ލިޔުން މިހާތަނަށް ވަނީ މިބޭފުޅުންނާ ހަވާލު ނުކުރެވިފައެވެ. ނަމަވެސް ރައީސުލްޖުމްހޫރިއްޔާ ވަނީ މިއަދު މިއެއްޗެހިވެސް ހަވާލުކޮށް ދެއްވާފައެވެ.
ކިޔުންތެރިންގެ ހިޔާލު