މުރްސީގެ މައްޗަށް ޓެރަރިޒަމްގެ ދަޢުވާކުރަނީ
19 ޑިސެމްބަރ 2013 0:47
ބަޣާވާތަކުން ވެރިކަމުން ދުރުކޮށްފައިވާ މިޞްރުގެ ކުރީގެ ރައީސް މުޙައްމަދު މުރްސީގެ މައްޗަށް ޓެރަރިޒަމްގެ ދަޢުވާކުރުމަށް މިޞްރުގެ ޢަސްކަރީ ސަރުކާރުން ނިންމައިފިއެވެ.
އިދިކޮޅު ފަރާތްތަކެއް މަރާލާފައިވާކަމުގެ ތުހުމަތުގައި މިހާރުވެސް ޝަރީޢަތެއް މުރްސީގެ މައްޗަށްދަނީ ހިނގަމުންނެވެ. އަދި މީގެ އިތުރުން މިޞްރުގެ އަސްކަރީ ސިއްރު މަޢުލޫމާތުތަކެއް ބޭރުގެ ފަރާތްތަކާއި ހިއްސާކޮށްފައިވާކަމުގެ ތުހުމަތުވެސް މުރްސީގެ މައްޗަށްވަނީ ކޮށްފައެވެ.
އަލްޖަޒީރާއިން ހާމަކުރާގޮތުގައި މިހާރު މުރްސީގެ މައްޗަށް ކުރެވޭ އައު ތުހުމަތަކީ ބައިނަލްއަޤްވާމީ އިޚްވާނުލް މުސްލިމުންގެ ޖަމާޢަތުގެ އަމާޒާއި ހަމައަށް ދިއުމަށް އަސްކަރީ ތަމްރީން ކުރުމަށްޓަކައި މުރްސީވަނީ ޓެރަރިޒަމްއަށް ފަންޑުކޮށްފައެވެ.
މިސްރުގެ ޕަބްލިކް ޕްރޮސެކިއުޓަރ ވަނީ މުރްސީގެ އިތުރުން 35 އިތުރު މީހެއްގެ މައްޗަށްވެސް ޓެރަރިޒަމްގެ ދަޢުވާ އުފުލާފައެވެ.
ޕްރޮސެކިއުޓަރ ހާމަކުރިގޮތުގައި އިޚްވާނުލް މުސްލިމޫނުންވަނީ މިސްރުގައި އެތަކެއް ހަމަނުޖެހުންތަކާއި ޓެރަރިޒަމްގެ އެތަކެއް ހަރަކާތްތަކެއް ހިންގާ އެފަދަ ޢަމަލުތައް ކުރުމަށް ރާވާފައެވެ. އޭގެ ތެރޭގައި ފަލަސްތީނުގެ ހަމާސް ޖަމާޢަތާއި އަދި ލުބްނާނުގެ ހިޒްބުއްލާތާއި އެކު ގުޅުން ބަދަހިކޮށްފައިވާކަމަށްވެސް އޭނާ ތުހުމަތުކުރިއެވެ.
ކިޔުންތެރިންގެ ހިޔާލު