ތަހްރީރް މައިދާނުގައި މުޒާހަރާ ކުރަމުންދާ މީހުންގެ ތެރެއަށް ކަރުނަގޭސް ޖަހައިފި
2 ޑިސެމްބަރ 2013 16:19
މިޞްރުގައި މިހާރު އޮތް ބާޣީ ސަރުކާރާއި ދެކޮޅަށް ޤާހިރާގެ ތަހްރީރު މައިދާނުގައި މުޒާހަރާ ކުރަމުންދިޔަ މީހުންގެ ތެރެއަށް އެޤައުމުގެ ސަލާމަތީ ބާރުތަކުން ކަރުނަގޭސް ޖަހައިފިއެވެ.
މިއީ މިޞްރުގެ ރައީސް މުޙައްމަދު މުރްސީ ބަޣާވާތަކުން ވެރިކަމުން ވެއްޓުނުފަހުން އޭނާއަށް ތާޢީދު ކުރާމީހުން ތަހްރީރު މައިދާނުގައި ބޭއްވި ފުރަތަމަ މުޒާހަރާއެވެ.
"އަސްކަރީ ބާޣީންނާ ދެކޮޅަށް" ކިޔައި ތަހްރީރު މައިދާނަށް އެއްވެތިބި އެތަކެއް ސަތޭކަމީހުން އަޑު އުފަލުމުން ދިޔަކަމުގައި ޚަބަރުތަކުން ބުނެއެވެ.
2012 ގެ ޖޫންމަހު މުރްސީ ވެރިކަމަށް އިންތިޚާބުމަށް ފަހު އޭނާގެ ވެރިކަން ވެއްޓެންދެން ތަހްރީރު މައިދާން ވެފައިވަނީ ޢަލްމާނިއްޔަތަށް ނުވަތަ ދީނާއި ސިޔާސަތު ވަކިކުރުމަށް ތާޢީދުކުރާ މީހުން އާންމުކޮށް މުޒާހަރާ ކުރަމުންދިޔަ ސަރަޙައްދަކަށެވެ.
މުރްސީއަށް ތާޢީދުކުރާ މީހުންގެ މުޒާހަރާތައް ފެށުނީ ޤާހިރާ ޔުނިވަރސިޓީގައި އިންޖީނޭރުކަން ކިޔަމުންދިޔަ ކުއްޖަކު ފުލުހުންގެ އަތުން މަރުވުމުންނެވެ.
ކިޔުންތެރިންގެ ހިޔާލު