ކިޑްނީ ބަދަލު ކުރުމުގެ އޮޕަރޭޝަނަށް ޒަކާތު ފަންޑުން ފައިސާދޭން ނިންމައިފި
27 ނޮވެމްބަރ 2013 20:35
ކިޑްނީ ބަދަލުކުރަން ކުރަންޖޭ އޮޕަރޭޝަނަށް ޚަރަދުވާ ފައިސާގެ ތެރެއިން 50 އިންސައްތަ ޒަކާތު ފަންޑުން ދޭން ނިންމައިފި ކަމަށް އިސްލާމިކް މިނިސްޓްރީން ހާމަ ކުރައްވައިފިއެވެ.
އެމިނިސްޓްރީގެ ޕާމަނަންޓް ސެކްރެޓަރީ މުހަމަދު ދީދީ ވިދާޅުވީ މިއަދު ބޭއްވި ޒަކާތު ކޮމިޓީގެ ބައްދަލުވުމުން މިގޮތަށް ނިންމެވީ ކިޑްނީ ބަދަލު ކުރުމަށް ބޭނުންވާ ފައިސާ ހޯދުމަށް ވަރަށްގިނަ ފަރާތްތަކުން އެމިނިސްޓްރީއާއި، އެންސްޕާގައި އެދެމުންދާތީ އެވެ.
އޭނާ ވިދާޅުވީ އޮޕަރޭޝަން ކުރުމަށް ތައްޔާރު ވުމަށްފަހު އެންސްޕާގައި އެދުމުން އޮޕަރޭޝަނަށް ބޭނުންވާ ފައިސާގެ ދެބައިކުޅަ އެއްބައި ލިބޭނެ ކަމަށެވެ. ޒަކާތު ފަންޑުން ދޭނީ ހަމައެކަނި އޮޕަރޭޝަނަށް ބޭނުންވާ ފައިސާގެ ދެބައިކުޅަ އެއްބައި ކަމަށްވެސް އޭނާ ވިދާޅުވިއެވެ.
ކިޑްނީ ބަދަލު ކުރުމަށް ފައިސާދިން ކަމަށްވިޔަސް އެހެނިހެން ބަލިތަކަށް ފަރުވާ ހޯދުމަށް ކުރިންވެސް ދެމުން ގެންދިޔަ ފައިސާ ޒަކާތު ފަންޑުން ދެއްވާނެ ކަމަށް އޭނާ ވިދާޅުވިއެވެ.
ކިޔުންތެރިންގެ ހިޔާލު