ޢާޒިމާއަށް ރުހުން ނުދިނުމަށް ކޮމިޓީން ފާސްކޮށްފި

ދައުލަތުގެ އެޓާނީ ޖެނެރަލް ކަމުގައި ޢާއިޝަތު ޢާޒިމާ ޝަކޫރު އިންނެވުމަށް ނުފެންނަ ކަމަށް ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން މިއަދު ފާސްކުރައްވައިފިއެވެ.

އެމްޑީޕީގެ މެޖޯރިޓީ އޮންނަ މިކޮމިޓީން މި ގޮތަށް ފާސްކުރީ ވޯޓުގައިބައިވެރިވި އެމްޑީޕީގެ ހަތަރު މެމްބަރުންގެއަޣުލަބިއްޔަތުންނެވެ.

މިކޮމިޓީގައި ތިއްބެވި މަޑުއްވަރީ ދާއިރާގެ ޑީއާރުޕީމެންބަރު ވިސާމު ޢަލީ އާއި ތިމަރަށީ ދާއިރާގެ ޤައުމީ އިއްތިހާދުގެ މެންބަރު އަޙުމަދު ޝަރީފް އާދަމް ވަނީ ބައްދަލުވުމުން ނުކުމެވަޑައިގެންފަައެވެ.

މިކޮމިޓީން މިގޮތަށް ފާސްކުރިޔަސް ޢާޒިމާއަށްއެމަޤާމުގައި އިންނެވޭނެކަން ނުވަތަ ނޫންކަން އެނގޭނީ މަޖިލީހުގެ ތަޅުމުގައި ނަގާވޯޓުންނެވެ. ނަމަވެސް އެވޯޓު ނަގާނެ ދުވަހެއް މަޖިލީހުން އަދި އަންގާފައެއްނުވެއެވެ.

ޖެންޑަރ މިނިސްޓަރުކަމުގައި ވެސް ޢާޒިމާއިންނެވުމަށް ކުރިން މަޖިލީހުގައި ނެގިވޯޓުން އެމަނާވަނީ ފޭލިވެފައެވެ. އެކަމަނާއާދެކޮޅަށް ވޯޓު ދެއްވުމަށްފަހު ޕީޕީއެމްގެ ޕާލަމެންޓްރީ ގްރޫޕުގެ ލީޑަރު ޢަބްދުﷲޔާމީން ވިދާޅުވެފައިވަނީ އެކަމަނާ އެޓަރނީޖެނެރަލްްްއަކަށް އައްޔަންކުރައްވައިފިނަމަ އެކަމަނާއާ އެއްކޮޅަށް ވޯޓު ދެއްވާނެ ކަމަށެވެ.