ތިންސަތޭކައަށްވުރެ ގިނަފޯމުގެ ސައްހަކަން ފުލުހުން ބަލައިފި
29 އޮކްޓޯބަރ 2013 23:50
ރިޔާސީ އިންތިޚާބުގައިރަށްވެހިވެފައިވާ ރަށް ނޫން އެހެން ރަށްރަށުގައި ވޯޓުލާން ރަޖިސްޓްރީ ކުރި މީހުންގެ ތެރެއިން އިނގިލީގެ ނިޝާން ޞައްޙަކަން ދެނެގަތުމަށް ހުށަހެޅި 350 ފޯމުގެ ޞައްޙަކަން ފުލުހުން ބަލައިފިއެވެ.
ފުލުހުން ހާމަކުރައްވާފައިވާ ގޮތުގައި މިފޯމްތައް ފުލުހުންނަށް ހުށަހަޅާފައިވަނީ ޑިޕާޓްމަންޓް އޮފް ނެޝަނަލް ރެޖިސްޓްެރޭޝަނުން ކަމަށެވެ. މިފޯމްތަކުގެ ސައްހަކަން ބަލާފައިވަނީ "ކަމުގެ ތަޖުރިބާކާރުން" ކަމަށްވެސް ފުލުހުން ބުނެފައިވެއެވެ.
މިފޯމުތަކުގެ ޞައްޙަކަން ދެނެގަތުމަށް ފުލުހުން 3 ގަޑިއިރަށްވުރެ ގިނަ ވަގުތު ވަނީ ހޭދަކޮށްފައި ކަމަށްވެސް ފުލުހުންވަނީ ހާމަކުރައްވާފައެވެ. ސައްހަކަން ބެލުމަށްފަހު އެނަތީޖާ ޙަވާލުކުރުމަށް ހަމަޖެހިފައިވަނީ ޑިޕާޓްމަންޓް އޮފް ނެޝަނަލް ރެޖިސްޓްރޭޝަނާ ކަމަށްވެސް ފުލުހުންވަނީ ހާމަކުރައްވާފައެވެ.
ސައްހަތޯ ބެލި ފޯމްތައް ސައްހަތޯ ނުވަތަ ނޫންތޯ ފުލުހުން ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު