ފުލުހުން އިންތިޚާބު ހުއްޓުވިކަމަށްދައްކާ ވާހަކަތަކުގެ ހަގީގަތް ރައްޔިތުންނަށް ކިޔައިދެއްވުމަށް އެދިއްޖެ

މި އޮކްޓޯބަރު މަހުގެ 19 ވަނަ ދުވަހު އިލެކްޝަންކޮމިޝަނުން ބާއްވަން މަސައްކަތްކުރި ރިޔާސީ އިންތިޚާބުގާނޫނާ ޚިލާފަށް ފުލުހުން ހުއްޓުވި ކަމަށްބުނެ ދައްކަމުންދާ ވާހަކަތައް ރަނގަޅަށް ބައްލަވައި ދެއްވުމަށް ފަހު ރައްޔިތުންނާހިއްސާ ކޮށްދެއްވުމަށް ޕޮލިސް އިންޓަރގްރިޓީ ކޮމިޝަން (ޕީއައިސީ) ގައި މިއަދުފުލުހުން އެދިއްޖެއެވެ.

ފުލުހުން މިކަމަށް އެދިފައިވަނީ ޕްރޮފެޝަނަލްސްޓެންޑާޑްސް ކޮމާންޑުގެ ހެޑް އެސިސްޓެންޓް ކޮމިޝަނަރ އޮފްޕޮލިސް ޢަލީ ރަޝީދު ސޮއިކުރައްވައި ޕީއައިސީއަށް ފޮނުވި ސިޓީއެއްގައެވެ.

"މިސިޓީގައި މިއަހަރުގެ ސެޕްޓެމްބަރުމަހުގެ 07 ވަނަ ދުވަހު ބޭއްވުނު ރިޔާސީ އިންތިޚާބުގެ ފުރަތަމަ  ބުރު ބާޠިލްކޮށް އަލުން އިންތިޚާބު ބޭއްވުމަށް ސްޕްރީމް ކޯޓުންއަމުރު ކުރެއްވުމާއި ގުޅިގެން އިލެކްޝަން ކޮމިޝަންގެފަރާތުން 2013 އޮކްޓޯބަރު 19 ވަނަދުވަހު ބޭއްވުމަށް ހަމަޖެއްސި އިންތިޚާބު ފުލުހުންގެ މެންޑޭޓުން ބޭރުންހުއްޓުވިކަމަށް ބުނެ އިލެކްޝަން ކޮމިޝަނުންމީޑިއާތަކަށް މަޢުލޫމާތު ދީފައިވާތީ،ފުލުހުންގެ ޚިދުމަތާއި ގުޅޭގޮތުން އާއްމު ރައްޔިތުންގެ މެދުގައިއިތުބާރާއި ޔަޤީންކަން އުފެއްދުމަށް މަސައްކަތްކުރުމަކީ ޕޮލިސް އިންޓަގްރިޓީކޮމިޝަންގެ ޤާނޫނީ ޒިންމާއެއްކަމަށް ވާތީއާއި އިލެކްޝަން ކޮމިޝަންގެ ފަރާތުންއޮކްޓޯބަރު 19 ވަނަ ދުވަހު ބޭއްވުމަށް ހަމަޖެއްސި އިންތިޚާބު ވޯޓުލުންހުއްޓުވުމުގައި ފުލުހުންގެ މެންޑޭޓުން ބޭރުން އެއްވެސްކަމެއް ކޮށްފައިވޭތޯ ބައްލަވައިދެއްވަންބޭނުންވާކަމަށް ބުނެފައިވެއެވެ." ޕޮލިސް ވެބްސައިޓުގައި ބުނެފައިވެއެވެ.

"ފުލުހުންގެ ޤާނޫނުގެ 19 ވަނަމާއްދާގެ (ށ)، (ނ) އަދި (ރ) ގައި ޕޮލިސް އިންޓަގްރިޓީ ކޮމިޝަނުގެ މަޤުޞަދުތަކުގެ ތެރޭގައި ބަޔާންކޮށްފައިވާގޮތުގެމަތިން ފުލުހުންނަށް ވަޒީފާ އަދާކުރުމުގައިބޭނުންވާނޭ ރައްކާތެރިކަންދީ އަދިފުލުހުންގެ ޚިދުމަތާއި ގުޅޭގޮތުން އާއްމު ރައްޔިތުންގެ މެދުގައި އިތުބާރާއިޔަޤީންކަން އުފެއްދުމަށް މަސައްކަތްކުރުމަކީ އިންޓަގްރިޓީކޮމިޝަނުގެ ޤާނޫނީ ޒިންމާއެއްކަމުގައި ފުލުހުންގެ މުއައްސަސާއިންދެކޭކަމަށްވެސް" މި ސިޓީގައި ބުނެފައިވެއެވެ.