ގާސިމާއި ނަޝީދުގެ ބައްދަލު ކުރެއްވުމުން އަޅުގަނޑު ކުށްވެރި ކުރަން- އުމަރު

އެމްޑީޕީގެ ރިޔާސީ ކެންޑިޑޭޓް ރައީސް މުހައްމަދު ނަޝީދާއި ޖުމްހޫރީ ކޯލިޝަންގެ ރިޔާސީ ކެންޑިޑޭޓް ގާސިމް އިބްރާހީމް މިރޭ ގާސިމް އިބްރާހީމްގެ ގެކޮޅު މ. މާފަންނު ވިލާގައި ބައްދަލުކުރި ކުރުން ޢުމަރު ނަސީރު ކުށްވެރި ކުރައްވައިފިއެވެ.

 ޕީޕީއެމްގެ ކުރީގެ އިންތިގާލީ ނާއިބު ރައީސްކަން ކުރެއްވި އުމަރު ނަސީރު ވިދާޅުވީ ގާސިމް އިބްރާހީމް ނަޝީދާ ބައްދަލު ކުރެއްވިޔަސް ނަޝީދަށް ތާއިދު ނުކުރައްވާނެ ކަމުގެ ޔަގީންކަން އެބައޮތް ކަމަށެވެ. "އަޅުގަނޑު އެކަން (ބައްދަލުކުރުން) ހަރުކަށި އިބާރާތުން ކުށްވެރި ކުރަން. އަދި މުހައްމަދު ނަޝީދަށް ގާސިމް ތާއީދު ނުކުރައްވާނެ ކަމުގެ ޔަގީންކަން އެބައޮތް،" އުމަރު ވިދާޅުވިއެވެ.

އުމަރު ނަސީރަކީ ރިޔާސީ އިންތިހާބުގައި ގާސިމް އިބްރާހީމަށް ތާއިދު ކުރައްވާ ކޯލިޝަންގެ ބޭފުޅެކެވެ.

ރައީސް ނަޝީދާއި ގާސިމްގެ ބައްދަލުވުމުގައި ދައްކަވާފައިވަނީ ގައުމުގެ އަމާންކަމާއި މަސްލަހަތުގެ ވާހަކަތައް ކަމަށް ގާސިމް ވަނީ ވިދާޅު ވެފައެވެ. އަދި ރިޔާސީ އިންތިޚާބުގެ ދެވަނަބުރުގައި ރައީސް ނަޝީދަށް ތާއިދު ކުރުމާ ބެހޭ އެއްވެސް ވާހަކައެއް އަދި ދައްކާފައިނުވާ ކަމަށްވެސް ގާސިމް ވަނީ ވިދާޅުވެފައެވެ.