އެމްޑީޕީއަށް ގޮންޖަހާ ލެވޭނެ ޕާޓީއެއްނެތް – އިންތި

ކުރިއަށްއޮތް ރިޔާސީ އިންތިޚާބުގައި އެމްޑީޕީއަށްގޮންޖަހާ ލެވޭނެ ވަރުގެ ސިޔާސީ ޕާޓީއެއްނެތް ކަމަށް އެޕާޓީގެ ތަރުޖަމާނުއިމްތިޔާޒު ފަހުމީ (އިންތި) ވިދާޅުވެއްޖެއެވެ.

ދުވަސް އޮންލައިނަށް މައުލޫމާތު ދެއްވަމުން އޭނާވިދާޅުވީ އެއްވެސް ޕާޓީއަކީ އެމްޑީޕީއަށް ގޮންޖެހުމެއްނޫން ކަމަށެވެ. ނަމަވެސް ހުރިހާޕާޓީތައްގުޅިގެން މަސައްކަތް ކުރަމުންދަނީ އެމްޑީޕީ ބަލިކުރަން ކަމަށެވެ. "އެއްވެސްޕާޓީއަކީ އެމްޑީޕީއަށް ގޮންޖެހުމެއްނޫން. ހުރިހާޕާޓީތައް އުޅެނީ އެމްޑީޕީބަލިކުރަން. އެނޫން ވާހަކައެއް އެހެން ޕާޓީތަކުން ނުދައްކާ." އިންތިވިދާޅުވިއެވެ.

އޭނާ ވިދާޅުވީ ރިޔާސީ އިންތިޚާބުގައި އެމްޑީޕީދެވަނަ ބުރަށް ދާނެކަމަށް އެހެން ޕާޓީތަކުން އިއްތިފާގުވާ ކަމަށެވެ.އެފަރާތްތަކަށް ޔަގީންނުވަނީ ދެވަނަ ބުރުގައި އެމްޑީޕީއާ ވާދަކުރާނެޕާޓީއެއްކަމަށް އޭނާ ވިދާޅުވިއެވެ.

ދެވަނަ ބުރުގައި އެމްޑީޕީ ވާދަކުރަން ޖެހޭނީކޮންޕާޓިއަކާތޯ ދެންނެވުމުން އިންތި ވިދާޅުވީ ދެވަނަ ބުރާމެދު ނުވިސްނަވާކަމަށެވެ. އެމްޑީޕީން މަސައްކަތް ކުރަމުންދަނީ އެހެން ޕާޓީތަކާމެދު ނުވިސްނައިފުރަތަމަ ބުރުން އިންތިޚާބު ކާމިޔާބު ކުރުމަށް ކަމަށްވެސް ވިދާޅުވިއެވެ."އަޅުގަނޑުމެން މަސައްކަތް ކުރަނީ ފުރަތަމަ ބުރުން ކާމިޔާބު ކުރަން. އެހެންޕާޓީތަކާމެދު ނުވިސްނަން،" އޭނާ ވިދާޅުވިއެވެ.

އިންތި ވިދާޅުވީ އިންތިޚާބު ކާމިޔާބު ކުރާނެކަމަށް ވިދާޅުވެ ބޮޑުކޯލިޝަނެއްގެ ވާހަކަ ދެއްކެވީ ޑރ. ވަޙީދު ކަމަށެވެ. ނަމަވެސްއަމިއްލަ ޕާޓީއެއް އޮވެފައި އަމިއްލަ ގޮތުން ވާދަކުރައްވަން ނިންމެވުމުން ދޭހަވަނީއެމަނިކުފާނު ގިނިކަންޏާ ވެފައި ހުންނެވިކަން ކަމަށެވެ. ބޮޑު ކޯލިޝަން ތެރޭގައިކަންކަން މިހާރު ވަމުންދާގޮތް މިކަމުންވެސް ވަރަށް ރަނގަޅަށް ރައްޔިތުންނަށް އެނގޭކަމަށް އޭނާ ވިދާޅުވިއެވެ. ޑރ. ވަޙީދާ އިއްތިހާދުވި ޙަސަން ސަޢީދާއި، އަދާލަތުޕާޓީންވެސް ކަންކުރަމުންދާގޮތް ވަރަށް ރަނގަޅަށް ރައްޔިތުން ބަަލަމުންދާކަމަށްވެސް އޭނާ ވިދާޅުވިއެވެ. ޢަދާލަތު ޕާޓީއާއި ޑރ. ޙަސަންގެ ގައުމީ ޕާޓީ ވަނީޖުމްހޫރީޕާޓީއާ ކޯލިޝަން ހަދާފައެވެ.

އިންތި ވިދާޅުވީ ރައްޔިތުންވަނީ އެމްޑީޕީގެ 3އަހަރުގެ ވެރިކަން ވަރަށް ރަނގަޅަށް ބަލައިގެންފައި ކަމަށެވެ. "އެމްޑީޕީންވަނީ ތިރީސް އަހަރުގެ ވެރިކަމާއި، ތިން އަހަރުގެ ވެރިކަމުގެ ތަފާތު ރައްޔިތުންނަށްދައްކާފައި. އެމްޑީޕީން ވަނީ ރައްޔިތުންގެ ތަރައްގީއަށް މަސައްކަތް ކޮށްދީފައި. އެހެންވީމާރައްޔިތުން އެމްޑީޕީ ބަލައިގަނޭ،" އޭނާ ވިދާޅުވިއެވެ.

ކުރިއަށްއޮތް ރިޔާސީ އިންތިޚާބު ފުރަތަމަ ބުރުންއެމްޑީޕީގެ ރިޔާސީ ކެންޑިޑޭޓު މުހައްމަދު ނަޝީދަށް ކާމިޔާބު ކުރެވޭނެ ކަމަށްމެދުއެއްވެސް ޝައްކެއް ނުކުރައްވާ ކަމަށް އިންތި ވިދާޅުވިއެވެ. އެޕާޓީން ގެންދަނީރާއްޖޭގެ އެކި ސަރަހައްދު ތަކަށް މީހުން ފޮނުވައިގެން ކެންޕޭން ކުރުމުގެ ހަރަކާތްވަރުގަދަ ކޮށްފައެވެ.