މާލޭސިޓީ ކައުންސިލުން ކޮށްދެއްވި އެއްވެސްކަމެއްނެތް- ތަސްމީން
1 އޯގަސްޓް 2013 15:19
މާލޭގެ ރައްޔިތުންނަށް މާލޭ ސިޓީ ކައުންސިލުންކޮށް ދެއްވި އެއްވެސް ކަމެއްނެތް ކަމަށް ވިދާޅުވެ ޑީއާރުޕީގެ ލީޑަރު އަދި ރައީސް ޑރ. މުޙަންމަދު ވަހީދު ޙަސަންގެ ރަނިން މޭޓްއަޙުމަދު ތަސްމީން އަލީ ވަރަށް ބޮޑަށް ފާޑުވިދާޅުވެއްޖެއެވެ.
ދަރުބާރުގޭގައި "ގައުމައިގެން ކުރިއަށް" ކޯލިޝަންގެ ފަރާތުން ރޭބޭއްވި ކެމްޕޭން ޖަލްްސާގައި ވާހަކަ ދައްކަވަމުން އޭނާ ވިދާޅުވީ މާލޭސިޓީގެކަންކަން 11 މެންބަރުންގެ މައްޗަށް އެކުލެވޭ ކައުންސިލަކާ ޙަވާލު ކުރުމުންއެއްވެސް ކަމެއް ކުރެވިފައި ނުވާކަމަށެވެ. އެއިން ދޭހަކޮށްދެނީ މާލޭސިޓީ ކައުންސިލްފެއިލްވެފައުވުން ކަމަށެވެ.
"މާލޭ ސިޓީކައުންސިލްގެ އަޣުލަބިއްޔަތުއެމްޑީޕީއަށް ލިބިގެން ފާއިތުވި ދުވަސްތަކުގައި މާލޭ ސިޓީ ކައުންސިލުން މާލޭރައްޔިތުންނަށް ކޮށްދެއްވި ޚާއްސަ ކޮށްލެވޭ ކަމެއް އެބައޮތްތޯ؟ އެއްވެސް ކަމެއްމާލޭގެ ރައްޔިތުންނަށް ކޮށްދެއްވާފައެއް ނެތް. މާލޭ ސިޓީ ކައުންސިލް މިއަދު އެވަނީފެއިލްވެފައި،" ތަސްމީން ވިދާޅުވިއެވެ.
ތަސްމީން ވިދާޅުވީ މާލޭ ސިޓީ ކައުންސިލުން ރައްޔިތުންނަށް ދޭންޖެހޭ "ޚިދުމަތްތަކުގެފަތި މިއަދު މިވަނީ ކޮށިފައި،" ކަމަށެވެ.
ހަމައެކަނި މާލޭގައި އުފެދޭ ކުނީގެ މައްސަލައަށްބެލިޔަސް ސިޓީކައުންސިލްގެ މަސައްކަތުގެ ފެންވަރު ވަޒަން ކޮށްލެވޭ ކަމަށް އޭނާވިދާޅުވިއެވެ. މާލޭ މިނިސިޕަލްޓީ ހޯމްމިނިސްޓްރީގެ ދަށުން ހިންގެވިއިރު ވެސް ކުނީގެމައްސަލައާ ހެދި ކަންބޮޑުވެ ގައުމީ މައްސަލައެއްގެ ގޮތުގައި އެކަން ނަގައިގެންއުޅުނުތަނެއް ނުފެންނަ ކަމަށްވެސް ތަސްމީން ވިދާޅުވިއެވެ. ކުނީގެ މައްސަލައަކީވިސްނުންތެރިކަމާއި، އިޚުލާސްތެރި ކަމާއެކު ކޮށްފިއްޔާ މާބޮޑު ކަމަކަށް ނުވާނެކަމަށްވެސް ތަސްމީން ވިދާޅުވިއެވެ.
"މިމައްސަލައަކީ މާލޭސިޓީކައުންސިލުގައިތިއްެބެވި ގިނަބޭފުޅުންގެ އިޚުލާސްތެރިކަމެއް ނެތުމުން ދިމާވެފައިވާ މައްސަލައެއްއިނގޭތޯ،" ތަސްމީން ވިދާޅުވިއެވެ.
ތަސްމީން ވިދާޅުވީ ސިޔާސީ ފިކުރު އެއްކިބާކޮށްމާލެއަކީ ސާފު، އަމާންތަނަކަށް ހަދަން ޖެހޭކަމަށެވެ. "މިއީ ދިވެހިރާއްޖޭގެވެރިކަންކުރާ ރަށް. ޚިދުމަތްތައް ލިބިގަތުމަށްޓަކައި ރާއްޖޭގެ އެކިކަންކޮޅު ތަކުންމީހުން ޒިޔާރަތްކުރާ ތަން. އިގްތިސާދުގެ އަދި ވިޔަފާރީގެ މައިމަރުކަޒު. މާލެއަކީވަކިޕާޓީއެއްގެ ޖަގަހައެއްގެ ގޮތުގައި ހިންގަންއޮތް ތަނެއްނޫން،" ތަސްމީންވިދާޅުވިއެވެ. މާލޭ ރައްޔިތުންވެސް ދިވެހިރައްޔިތުންވެސް މިކަން ބަލައެއްނުގަންނާނެ ކަމަށް އޭނާ ވިދާޅުވިއެވެ.
ތަސްމީން ވިދާޅުވީ މާލޭސިޓީ ކައުންސިލްގެ ފުރަތަމަމޭޔަރު ސަރަނގު އާދަމް މަނިކު އެކަނި ކުރެއްވި މަސައްކަތްވެސް ކައުންސިލްގައިދެންތިއްބެވި 10 ކައުންސިލަރުންނަށް ނުކުރެއްވޭތީ އަޖާއިބުވެ ވަޑައިގަންނަވާ ކަމަށެވެ.
ތަސްމީން ވިދާޅުވީ މާލޭސިޓީކައުންސިލްގެ އިތުރަށްރައީސް ނަޝީދުވެސްވަނީ ފެއިލްވެފައި ކަމަށެވެ. މިހެންދިމާވީ ތަޖުރިބާއާއިއިޚުލާސްތެރި ކަމެއްނެތް ބަޔަކާ ގައުމު ހަވާލު ކުރުމުން ކަމަށްވެސް އޭނާ ވިދާޅުވިއެވެ.
ތަސްމީން ވިދާޅުވީ ގައުމުގައި ހުރި ބޮއްސުން ލައިފައިވާކަންކަން ޙައްލު ކުރުމަށް ތަޖުރިބާހުރި އިޚުލާސްތެރި ބަޔަކާ ގައުމު ހިންގަންޙަވާލުކުރަން ޖެހޭކަމަށެވެ. "ތަޖުރިބާހުރި، ދައުލަތަށް އިޚުލާސްތެރި ބަޔަކާގައުމު ޙަވާލުކުރަން އެބަޖެހޭ. މިގައުމުގައި ބޮއްސުންލައިފައިވާ ކަންކަންހަމަމަގަށް އެޅުވޭނީ ތަޖުރިބާހުރި އިޚުލާސްތެރި ބަޔަކަށް އެކަނި،" އޭނާވިދާޅުވިއެވެ.
އޭނާ ވިދާޅުވީ ތަޖުރިބާހުރި އެފަދަ ބޭފުޅުންތިއްބެވީ ރައީސް ވަހީދާ އެކު ކަމަށެވެ.ޑރ. ވަހީދަކީ ހިކުމަތްތެރިކަމާ އެކު މަސައްކަތް ކުރައްވާ ލީޑަރެއް ކަމަށްވެސްވިދާޅުވިއެވެ.
ކިޔުންތެރިންގެ ހިޔާލު