ރައީސް ނަޝީދުގެ ރަނިންމޭޓަކަށް ޑރ. މުސްތަފާ ލުތުފީ ހަމަޖައްސައިފި

އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީގެ ރަނިންމޭޓަކަށް ކުރީގެ އެޑިޔުކޭޝަންމިނިސްޓަރ ޑރ. މުސްތަފާ ލުތުފީ ހަމަޖައްސަވައިފިއެވެ.

އެމްޑީޕީގެ ތަރުޖަމާނު އިމްތިޔާޒު ފަހުމީ"ދުވަސް" އަށް މަޢުލޫމާތު ދެއްވަމުން ވިދާޅުވީ އިލެކްޝަންސް ކޮމިޝަނަށްހުށަހަޅަން ޖެހޭ ލިޔުންތައް ތައްޔާރުކޮށްއޭގައިި އެދެބޭފުޅުން މިހާރު ސޮއިވެސް ކުރައްވާފައި ވާކަމަށެވެ. އިންތި ވިދާޅުވީ ޑރ.މުސްތަފާގެ ކުށުގެ ރެކޯޑު ސާފުކުރުމުގެ މަސައްކަތްވެސް މިއަދު ކުރައްވާފައިވާކަމަށެވެ. އިމްތިޔާޒު ފަހުމީ ވިދާޅުވީ ރައީސް ނަޝީދުއިންތިޚާބުގައި ވާދަ ކުރެއްވުމަށް އިލެކްޝަނަށް ހުށަހަަޅަންޖެހޭ ލިޔުންތައް ވަރަށްއަވަހަށް ހުށަހަޅުއްވާނެ ކަމަށެވެ.

ޑރ. މުސްތަފާ އެންމެ ފަހުން އަދާކުރައްވާފައިވަނީ ގައުމީ ޔުނިވަސިޓީގެ ޗާންސެލަރުގެ މަގާމެވެ. އެމަނިކުފާނަށްރަނިންމޭޓުކަން ދެއްވި އިރު ރައީސް ނަޝީދު ކުރިންވެސް ވިދާޅުވެފައިވަނީރަނިންމޭޓުކަން ދެއްވާނީ އަޑޫސިޓީގެ ބޭފުޅަކަށް ކަމަށެވެ. ޑރ. މުސްތަފާއަކީ އައްޑޫހިތަދޫ ބޭފުޅެކެވެ.

 ޑރ. މުސްތަފާއަށް ރަނިންމޭޓުކަން ދެއްވީއެމަގާމަށް ހަތަރު ބޭފުޅުންގެ ނަން ހުށަހަޅައިގެންއެމްޑީޕީގެ ގައުމީ މަޖިލީހުން އެންމެ ގިނަ ވޯޓު ލިބިވަޑައިގެންނެވި ބޭފުޅާގެގޮތުގައެވެ.

ރައީސްކަމުގެ މަގާމުގައި ނަޝީދު ނުހުންނަވާ ފަދައެއްވެސް ހާލަތެއްދިމާވެއްޖެ ނަމަ އަމިއްލަ އަށް އިސްތިއުފާ ދެއްވައި އަވަސް އިންތިޚާބަކަށް ފުރުސަތު ދެއްވާނެ ކަމަށް މުސްތަފާ ލުތުފީ  ވިދާޅުވިކަމަށް ހަވީރު އޮންލައިނުންވަނީ ހާމަކޮށްފައެވެ.