ފުލުހުންގެ ކާރެއްގައި ނިދި ފަޤީރަކު ޖަލަށްލައިފި
0
15 ފެބްރުއަރީ 2014 23:43
15 ފެބްރުއަރީ 2014 23:43
އެމެރިކާގެ ޕޯޓްލޭންޑުގެ ފުލުހުންގެ ކާރެއްގައި ނިދި ފަޤީރަކު ޖަލަށްލައިފިއެވެ.
ޚަބަރުތަކުން ހާމަކުރާގޮތުގައި ފުލުހުން ޕެޓްރޯލްކުރަމުންގޮސް، ސައުތުއީސްޓް ޕްރީސިންޓްގެ ބޭރުގައި ފުލުހުންގެ ކާރު ޕާކްކޮށްފައި އޮއްވާ ރޫބެން ޖޭމްސްކިޔާ ފަޤީރަކު ނިދާނެތަނެއް ނެތިގެން ކާރަށް އަރައި ވަނީ ނިދާފައެވެ.
މައުލޫމާތު ލިބިފައިވާގޮތުގައި ފުލުހުން އެނބުރި އައިއިރު ރޫބެން އޮތީ ކާރުތެރޭ "ތަޅު" ލެވިފައެވެ.
"ވާގޮތަކީ ޕެޓްރޯލްކާރުގެ ފަހަތު ދޮރު ލައްޕާލައިފިއްޔާ ދެން ހުޅުވޭނީ ބޭރުން. ރޫބެން އަށް މިވީ މިހެން،" ފުލުހުންގެ އޮފިސަރެއް ކަމުގައިވާ ސިމްޕްސަން ހާމަކުރިއެވެ.
30 އަހަރުގެ ރޫބެން ފުލުހުންގެ ކާރަށް އަރައި ނިދުމުގެ ސަބަބުން އޭނާ މިހާރުވަނީ މަލްޓްނޯމާ ކައުންޓީ ޖަލުގައި ހައްޔަރުކޮށްފައެވެ.
ޓެގްސް
ކިޔުންތެރިންގެ ހިޔާލު