މީހެއްގެ އަތުން ބަސް ކާޑު ފޭރިގަތް މީހަކު 35 އަހަރުފަހުން ފޭސްބުކްގައި މައާފަށް އެދިއްޖެ
3 ޑިސެމްބަރ 2013 20:06
މީހެއްގެ އަތުން ބަސް ކާޑު ފޭރިގަތް މީހަކު 35 އަހަރު ފަހުން ފޭސްބުކް މެދުވެރިކޮށް އެކަމަށް މައާފަށް އެދިއްޖެއެވެ.
53 އަހަރުގެ މައިކަލް ގުޑްމަން 52 އަހަރުގެ ކްލައިޑް ސޮފެލްގެ ބަސްކާޑު ފޭރިގަތީ މީގެ 35 އަހަރު ކުރިން 1970 ގައި ނިއުޔޯކުގެ އެމެރިކަން މިއުޒިއަމް އޮފް ނެޗުރަލް ހިސްޓޮރީކައިރީގައެވެ.
ގުޑްމަން އޭނާގެ ރައްޓެހިންނަށް އޭނާއަކީ ގޭންގްސްޓަރ އެއްކަން ދައްކަންވެގެން ސޮފެލްގެ ބަސްކާޑު ފޭރިގަތްތާ މާގިނަ އިރެއް ނުވަނީސް އޭނާވަނީ ހައްޔަރުކޮށްފައެވެ.ނިއުޔޯކުގެ އެޗް އެންޑް އެޗް ބެގަލްސް ފިހާރަ ބަންދުކުރި ވާހަކަ ފޭސްބުކްގެ އެފިހާރައިގެ ސަފްޙާގައި ލިޔެވިފައިވާ ސްޓޭޓަސްއަކަށް ސޮފެލް ކޮމެންޓް ކޮށްފައި އޮތްތަން ފެނުނީމައި ގުޑްމަންވަނީ އޭނާ މީގެ 35 އަހަރު ކުރިން ކުރި ކަންތަކަށް ސޮފެލްގެ ފަރާތުން މައާފަށް ހެދިފައެވެ.
"ކޮންމެވެސް ސަބަބަކާ ހުރެ އެތަނުގައި ފުލުހުން ތިބި އަދި އެތަނުން އެތަނުގައި އަހަރެން ހައްޔަރުކުރެވުނު. އަހަރެންގެ ބައްޕަ ވަޒީފާ ދޫކޮށްލާފައި އަންނަން ޖެހުނު އަދި ބައްޕަހުރީ ވަރަށްވެސް ރުޅިއައިސްފައި. އަހަރެންގެ ހަނދާނުން ސޮފެލްގެ ނަމާއި އަދި އެކަންތައް ދުވަހަކަށްވެސް ނުފިލާ. އެންމެ ފަހުން އަހަރެންނަށް މަޢާފުކުރާށޭ ބުނުމުގެ ފުރުސަތު މިލިބުނީ. އަހަރެން ވަރަށް ބޮޑަށް ދެރަވަން އެކަންތަކަށް. އެކަންތައް ނުވި ނަމައޭ ހިތަށް އަރާ. އެކަމަކު އެކަން އެއޮތީވެފައި. އަހަރެން އެކަންތައް ކުރީ ރައްޓެހިންތަކަކަށް ގޮތްދައްކާލަންވެގެން. އަހަރެންނަކީ ގޭންގްސްޓާރަކަށް ވާންވެގެން. ވަރަށް މޮޔަކަމެއް ދޯ؟" ގުޑްމަން ސޮފެލްގެ ވޯލްގައި ލިޔުނެވެ.
10 ދުވަހަށްފަހު ގުޑްމަންއަށް ސޮފެލް މައާފްކުރިއެވެ. އަދި ލިޔުނެވެ. "މައިކަލް ގުޑްމަންއެވެ. ކޮންމެއަކަސް ތިޔައީ މިހާރު ތަފާތު މީހެއްކަން އެނގިއްޖެ. ވާއު. ހަނދަންވީ ހެއްވާއެއްޗެއް. އަހަރެންނަށް މިހާރު ތިޔައީ ކާކުކަން ހަނދާންވެއްޖެ. އެހެންވީމައި، މައާފްކޮށްފިން."
ކިޔުންތެރިންގެ ހިޔާލު