ހަތަރުސަތޭކަ ފަހަރު 911 އަށް ގުޅި އަންހެނަކު 180 ދުވަހަށް ޖަލަށް
31 ޑިސެމްބަރ 2013 1:28
ހަތަރުސަތޭކަ ފަހަރު 911 އަށް (އިމަޖެންސީ ނަންބަރ) ގުޅި އެމެރިކާގެ ލޮސް އެންޖަލިސްގެ އަންހެނެއްގެ މައްޗަށް 180 ދުވަހުގެ ޖަލު ހުކުމެއްކޮށްފިއެވެ.
ތެޔާޅީސް އަހަރުގެ ލިނޭ ޔަންގްގެ މައްޗަށް 180 ދުވަހަށް ޖަލަށްލުމަށް ހުކުމް ކުރުމުގެ އިތުރުން 3 އަހަރުގެ ޕްރޮބޭޝަނަކާއި ނަފްސާނީ ކައުންސެލިން ހޯދުމަށްވެސް އެހުކުމުގައި ބުނެފައިވެއެވެ.
ޔަންގް 911 އިމަޖެންސީއަށް ގުޅަން ފަށާފައިވަނީ 2011 ވަނަ އަހަރުއެވެ. އަދި އޭނާ ބައެއް ދުވަހު 6 ފަހަރު 911 އަށް ގުޅާކަމުގައިވެއެވެ. އަދި 2013 ވަނަ އަހަރުގެ ޖެނުއަރީއިން ސެޕްޓެމްބަރު 1 އާއި ހަމައަށް އޭނާ 911 އަށް 220 ފަހަރު ގުޅާފައިވެއެވެ.
ޔަންގް ގުޅާ ކޮންމެ ފަހަރަކު އޭނާގެ ގެއަށް މެޑިކަލް ޓީމެއް އިމަޖެންސީ ސަރވިސްއިން ފޮނުވާފައިވާއިރު އެއިން އެއްވެސް ފަހަރަކު އޭނާގެ އެއްވެސް ސިއްހީ މައްސަލައެއް ހުރިކަމަކަށް ފެނިފައެއް ނުވެއެވެ.
ކިޔުންތެރިންގެ ހިޔާލު