ދިރޭ މައްޔިތުން" ނަށް ފިލަންވެގެން ޓްރަކެއް ވަގަށް ނަގައިފި"
2 ޑިސެމްބަރ 2013 21:25
އެމެރިކާގެ މިނެސޮޓާގެ މީހަކު ޓްރަކެއް ވަގަށް ނަގައިގެން އުޅެނިކޮށް ހައްޔަރު ކުރުމުން އޭނާ އެކަން ކުރީ "ދިރޭ މައްޔިތުން" ތަކެއް ނުވަތަ ޒޮމްބީންނަށް ފިލަންވެގެން ކަމަށް އޭނާ ބުނެފިއެވެ.
23 އަހަރުގެ ގެރެޓް ހަވަރޑް ހަރލްބަޓް ވަގަށް ނެގި ޓްރަކް ދުއްވަނިކޮށް ފުލުހުން އަތުލައިގަތީ އޭނާ އޭތި ވަގަށް ނެގި ޕެޓްރޯލް ޝެޑާ މާދުރު ނޫން ހިސާބަކުން ކަމަށް ފުލުހުން ބުނެއެވެ.
"އަހަރެން ފަހަތުން ދިރޭ މައްޔިތުންތަކެއް އަޅުވާލީ. އެމީހުންނަށް ފިލަންވެގެން މިޓްރަކަށް އެރީ،" ހަރބަޓް ފުލުހުންނަށް ކިޔައިދިނެވެ.
ފުލުހުން ހާމަކުރި ގޮތުގައި ބެލެވޭ ގޮތުގައި ހަރބަޓް ހުރީ ވައްކަންކުރި އިރު މަސްތުގެ ޙާލަތުގައެވެ. އަދި އޭނާ ހައްޔަރުކުރި އިރު އޭނާގެ ލޯ ވަރަށް ރަތްކަމަށާއި އަދި ވަރަށް ގަދައަށް ބަނގުރާ ވަސް އޭނާގެ ގައިން ދުވިކަމުގައި ފުލުހުން ބުނެއެވެ.
ކިޔުންތެރިންގެ ހިޔާލު