ދަތުރުދިޔަ ވަގުތު ބަލާފައި މީހަކު ގެއަށް ވެރިވެގެންފި

އެމެރިކާގެ ބަޔަކު އެމީހުންގެ ގެ ދޫކޮށް ދަތުރު ދިއުމުން ރޮބަރޓް ކަރ ނަމަކަށް ކިޔާ މީހަކު އެމީހުންގެ ގެއަށް ވެރިވެގެންފިއެވެ.

ގޭގެ ވެރިމީހުން ދަތުރު ނިންމާލާފައި ގެއަށް އައިއިރު ގޭގެ ހުރިހާ ތަޅުތަކެއް ކަރ ވަނީ ބަދަލު ކޮށްފައެވެ."އަމިއްލަ މުދާ ދޫކޮށްލާފައި ދިއުމުން، މާނައަކީ އޭގެ ވެރިކަންވެސް އެދޫކޮށްލީއޭ. އެހެންވީމައި ދޫކޮށްލާފައިއޮތް އެއްޗެއް އެންމެ ފުރަތަމަ ނަގާ އެއީ ތިމަންނާއަށޭ ބުނާ މީހާއަށް އެހާހިސާބުން އެއްޗެއްގެ ވެރިކަން އެލިބުނީ. ބޮޑެތި ޤައުމުތައްވެސް އެގޮތަށް އެބަ ވެރިކުރޭ. ދެން ކޮބާ އާދައިގެ ގެއެއްގެ ޙާލަތަކީ؟،" ކަރ އޭނާ އެގެއަށް ވެރިވެގަތީ ކީއްވެކަން ހާމަކުރިއެވެ.

ގޭގެ އަސްލު ވެރިފަރާތުން މިހާރުދަނީ ކޯޓަށް މިމައްސަލަ ހުށަހެޅުމަށް ތައްޔާރު ވަމުންނެވެ.ކަރ ވަނީ ވައްކަންކުރުމަށް އެހެން މީހެއްގެ މިލްކަކަށް އަރައިގަތުމުގެ ކުށުގައި ހައްޔަރު ކޮށްފައެވެ. ފުލުހުން ހާމަކުރާގޮތުގައި މިއީ ގޭގެއަށް ވެރިވުމުގައި ކަރ ގެ ތިންވަނަ "ސްޓަންޓް"އެވެ.ކަރ ބުނާ ގޮތުގައި ފުލުހުންވަނީ އޭނާގެ މަދަނީ ޙައްޤުތަކަށް އަރިގެންފައެވެ.