ޖިންނި ބޭރުކުރަން ކަމަށްބުނެ ތުއްތު ދެކުދިން މަރާލައިފި

ޖިންނި އަވަލާފައިވާ ދެކުދިންގެ ގަޔަށް ވަދެފައިވާ ޖިންނިތައް ބޭރުކުރަން ކަމަށްބުނެ އިނގިރޭސިވިލާތުގެ ދެއަންހެނަކު އެއްބައިވެގެން ތުއްތު ދެކުދިންގެ ގަޔަށް ވަޅި ހަރައި މަރާލައިފިއެވެ.

ފުލުހުން ހާމަކުރިގޮތުގައި 21 އަހަރުގެ މޮނިފާ ޑެނިސް ސެންފޯޑްގެ މައްޗަށްވަނީ ގަސްދުގައި އެދެކުދިން މަރާލުމުގެ ކުށުގެ ދައުވާ އުފުލާފައެވެ. އަދި އެދެކުދިންގެ މަންމަ 28 އަހަރުގެ ޒަކީޔާ ލެޓްރިސްގެ މައްޗަށްވެސް ވަނީ ގަސްތުގައި އެދެކުދިން މަރާލުމުގެ ކުށުގެ ދައުވާ އުފުލާފައެވެ.

ފުލުހުން ބުނާގޮތުގައި އެދެމީހުންވެސް މިހާރުވަނީ ބޮންޑެއްނެތި ފުލުހުންގެ ބެލުމުގެ ދަށުގައެވެ.

މިހާދިސާގައި 1 އަހަރުގެ ނޮރެލް ހެރިސްއާއި 2 އަހަރުގެ ޒަޔާނާ ހެރިސް މަރުވެފައިވާއިރު 5 އަހަރުގެ ތާނިޔާ ހެރިސްއާއި 8 އަހަރުގެ މާޓެލޯ ހެރިސްވަނީ ލިބުނު ޒަހަމްތަކަށް ބޭސްކުރުމަށް ހޮސްޕިޓަލުގައި އެޑްމިޓްކުރެވިފައެވެ.