އަސްދޫންޏެއް ސަލާމަތް ކުރަންއުޅުނު މީހަކު ގެނބިގެން މަރުވެއްޖެ
21 ޑިސެމްބަރ 2013 23:25
އިންޑިއާގެ ރައްޔިތެއް ކަމުގައިވާ އަނިލް ކުމާރު ނަމަކަށް ކިޔާ މީހަކު ކޯރެއްގެ ތެރޭގައި އޮތް ދާގަނޑެއްގައި ހައްޔަރުވެފައިއިން އަސްދޫންޏެއް ސަލާމަތް ކުރަން އުޅެނިކޮށް ގެނބިގެން މަރުވެއްޖެއެވެ.
އިންޑިއާގެ މަދްޔާ ޕްރަދޭޝްގެ ވެރިކަންކުރާ ސިޓީ، ބޯޕާލުގެ ކަލިޔަސޯޓު ކޯރުގައި ހިނގި މިހާދިސާގައި އަސްދޫންޏަށްޓަކައި އަމިއްލަ ނަފްސު ޤުރުބާންކޮށްފައިވާ އަނިލް ކުމާރަކީ ސަކެޓް ނަގަރުގެ މީހެކެވެ. އަދި އޭނާ އަކީ ބޯޕާލުގައި ޓްރެވެލް އޮޕަރޭޓަރަކަށް މަސައްކަތްކުރަން އުޅުނު މީހެއްކަމަށް މަޢުލޫމާތު ލިބިފައިވެއެވެ.
38 އަހަރުގެ އަނިލް ކުމާރުގެ ކޮއްކޮއަކު ކިޔައިދިން ގޮތުގައި މިހާދިސާ ހިނގީ އޭނާއާއި އަނިލް ކުމާރާއި ދެމީހުން ކަލިޔަސޯޓު ކޯރު ކައިރިން ހިނގާފައި ދަނިކޮށް ދާގަނޑަކުން ނުނެއްޓިގެން އަސްދޫންޏެއް އުޅޭތަން ފެނުމުން އެއަސްދޫނި ސަލާމަތްކުރަން ވެގެން ކޯރަށް އަނިލް ކުމާރު ފުއްމާލުމުންނެވެ.
100 މީޓަރު ދުރައް ފަތާފައިގޮސް ވަކި ހިސާބަކުން އަނިލް ކުމާރު ގެނބުނު ކަމުގައި އޭނާގެ ކޮއްކޮ ހާމަކުރިއެވެ. އޭނާގެ ކޮއްކޮ ބުނާގޮތުގައި އަނިލް ކުމާރަކީ ވަރަށް ރަނގަޅަށް ފަތަންވެސް އިނގޭ މީހެކެވެ.
ކިޔުންތެރިންގެ ހިޔާލު