ބޭއަދަބީކޮށް މުޚާތަބު ކުރުމުން ފުލުހަކު ކިޔަވާ ކުއްޖަކު މަރާލައިފި

އެމެރިކާގެ ޔުނިވަރސިޓީ އޮފްދަ އިންކާރނޭޓް ވާރޑް ކެމްޕަސްގައި ޕެޓްރޯލްކުރަމުން ދިޔަ ފުލުހުންގެ އޮފިސަރަކާ ބޭއަދަބީކޮށް ވާހަކަ ދެއްކި ކުއްޖެއްގެ ގަޔަށް ފުލުހު މީހާ ބަޑިޖަހައި އެ ކުއްޖާ މަރާލައިފިއެވެ.

މަންޒަރުދުށް މީހުން ހާމަކުރި ގޮތުގައި ކްރިސްޓަރފޮރ ކާރޓަރ ނަމަކަށް ކިޔާ މި ފުލުސްމީހާ އެކުއްޖާގެ ގަޔަށް ބަޑި ޖަހާފައިވަނީ އެއްވެސް އިންޒާރެއްނުދީއެވެ. އަދި އެމީހުން ބުނާ ގޮތުގައި އެފުލުސްމީހާ އެކުއްޖާ ގަޔަށް ބަޑި ޖެހިއިރު އެކުއްޖާ އެކަމާ ދެކޮޅަށް އަތް އުފުލުން ފަދަ ކަމެއްވެސް ކޮށްފައެއްނުވެއެވެ.

" ރީޑަސް އޭނާއާ ދެކޮޅަށް އެއްވެސް ކަމެއް ނުކުރޭ. އޭނާ ކީހާއެއްޗެއްވެސް ކީ އަނގައިން. ރީޑަސް ގަދަ ހަދައިފައި ނުވާ އިރުވެސް އެފުލުސް މީހާ ގޮވަމުން ދިޔައީ ގަދަ ނަހަދާށޭ. ގަދަނަހަދާށޭ. އެ ފުލުސްމީހާ ބަޑިޖަހަން ފެށުމުން އެކުއްޖާ ބުނިހާވެސް އެއްޗަކީ ކަލޭ ތިއުޅެނީ ހަމަ ބަޑިޖަހަންހޭ؟" މަންޒަރުދުށް މީހެއްކަމުގައިވާ މުހައްމަދު ހައިދަރައިސަލް ހާމަކުރިއެވެ.

މުޙައްމަދު ހައިދަރައިސަލް އިތުރަށް މަޢްލޫމާތު ދިން ގޮތުގައި ފުލުސް މީހާ ބަޑި ނެގުމުން ރީޑަސް ވެސް އަދި އެތާ ތިބި މީހުންވެސް އެއްވެސް ވަރަކަށް އޭނާ ބަޑި ޖަހާފާނެ ކަމަށް ހީކޮށްފައިނުވެއެވެ.

މިމައްސަލައިގެ ތަޙްޤީޤު ނިމެންދެން ފުލުސްމީހާވަނީ ސަސްޕެންޑްކޮށްފައެވެ.