ރާބޮއިގެންހުރެ ބަކަމޫނެއް ކަމަށް ދައުވާކޮށްފި
13 ޖެނުއަރީ 2014 20:23
އެމެރިކާގެ މެސެޗުސެޓްސް ގައި ރާބޮއެގެން ކާރުދުއްވިމީހަކު ފިލަންވެގެން ގަހަކަށް އަރާއޮއްވާ ފުލުހުން ހިފެހެއްޓުމުން އޭނާއަކީބަކަމޫނެއްކަމަށް އޭނާ ދައުވާކޮށްފިއެވެ.
އުމުރުން 37 އަހަރުގެ ޓްރޯއި ޕްރޮކެޓްގެ މައްޗަށްފުލުހުންވަނީ ރާބޮއިގެންހުރެ ކާރު ދުއްވުމުގެ ކުށާއި، ކާރުހުއްޓުމަށް ފުލުހުން އެންގުމުންދުއްވުމުގެ ކުށާއި، ހައްޔަރުކުރަން އުޅުމުން ފުލުހުންގެ ވާޖިބަށް ހުރަސްއެޅުމުގެކުށާއި، ސުލްހަމަސަލަސްކަން ގެއްލުމުގެ ކުށުގެ ދައުވާ އޭނާއާ ދެކޮޅަށް އުފުލާފައެވެ.
ފުލުހުންގެ ރިޕޯޓުގައި ބުނާގޮތުން ފުލުހުން ޕްރޮކެޓްގެކާރު މަޑުކުރަން އެންގުމުން އޭނާވަނީ ކާރު ބާރަށް ދުއްވައިފައެވެ. އެންމެފަހުން ކާރު ކޮންޓްރޯލުން ނައްޓާލައިގެންސްނޯ ގަނޑެއްގެ ތެރެއަށް ކާރުވަނެވެ.
ޕްރޮކެޓްދެން ކާރުން ނިކުމެ ދުއްވާގައިތީ ގަސްގަހާ ދިމާއަށެވެ.އަދި އެތަނުގަ ހުރި ގަހަކަށް އަރައި އޭނާ ފިލިކަމަށް ފުލުހުން ބުނެއެވެ.
ފުލުހުން އޭނާ ހިފެހެއްޓުމުން އޭނާ ބުނީ އޭނާއަކީ ވަރަށްބަސްއަހާ ބަކަމޫނެއް ކަމަށެވެ. އަދި އޭނާއަކީ އެމީހުން ހޯދަމުންދާ މީހާނޫންކަމަށެވެ.
ކިޔުންތެރިންގެ ހިޔާލު