އެތައް ފަހަރަކު ހައްޔަރު ކުރެވިފައިވާ އަންހެނަކު އިސްލާހުވުމަށް އަޒުމު ކަނޑައަޅައިފި
20 ނޮވެމްބަރ 2013 19:53
ނަވާރަސަތޭކަ ހަތްދިހައަށްވަނަ އަހަރުން ފަށައިގެން ތަފާތު އެކި ކުށްކުށުގައި 396 ފަހަރު ހައްޔަރު ކުރެވިފައިވާ އެމެރިކާގެ އަންހެނެއް ކަމުގައިވާ ޝާމެއިން މައިލްސް އިސްލާހުވުމަށް އަޒުމުކަނޑައަޅައިފިއެވެ.
އުމުރުން 52 އަހަރުގެ މައިލްސް ވަނީ މީހަކަށް ހަމަލާދީގެން 1 އަހަރުގެ ޖަލު ހުކުމެއް ހަމަކުރުމަށްފަހު ދާދިފަހުން މިނިވަންވެ ޖަލުން ނިކުމެވެފައެވެ. އޭނާ ޖަލުން ދޫކޮށްލުމުން ނޫސްވެރިންވަނީ އޭނާގެ ފޮޓޯ ނަގާފައެވެ. އެކަމާ ހިތްހަމަނުޖެހިގެން އޭނާ ވަނީ ފޮޓޯނެގި ހުރިހާ ނޫސްވެރިން ގޮވައިގެން ކޯޓަށް ދާނެ ކަމަށް ބުނެ އިންޒާރުދީފައެވެ.
މައިލްސް ބުނިގޮތުގައި އޭނާދެން ބޭނުންވަނީ ހަމަރަނގަޅަށްވެސް އިސްލާހު ވުމަށެވެ. މިއަޒުމުގައި އޭނާ މިހާރުވަނީ ރާބުއިމާއި، މަސްތުވާތަކެތި ބޭނުންކުރުން އަބަދަށް ހުއްޓާލާފައި ކަމަށް މައިލްސް ބުންޏެވެ.
"އަހަރެން ދެން ހަމަ އެތަނަށް އަނބުރާދާން ބޭނުން ނުވަނީ. އަހަރެން ދެން ބޭނުމެއް ނޫން ޑްރަގް ބޭނުން ކުރާ މީހުންގެ ކައިރީގަ އުޅޭކަށްވެސް. އަހަރެންނަކީ އެބުނާހާ އަސްލު ނުބައި މީހެއްވެސް ނޫން. އަހަރެން ފުރޭތައަކަށް ހެދީ އަހަރެން މަސްތުވާ ތަކެއްޗާއި ރަލުގެ ސަބަބުން،" އޭނާ ބުނެފައިވެއެވެ.
ކިޔުންތެރިންގެ ހިޔާލު