ބޭންޑުން ވަކިކުރމުން ބަޑި ޖަހައި އެހެން މެންބަރުން މަރާލައިފި

އެމެރިކާގެ ރޮކް ބޭންޑެއްގެ ލަވަކިޔުންތެރިޔަކު އެ ބޭންޑުން ވަކިކުރުމުން އެކަމާ ހިތްހަމަނުޖެހިގެން ބޭންޑުގެ އެހެން މެމްބަރުންގެ ގަޔަށް ބަޑި ޖަހައި އެމީހުން މަރާލުމަށްފަހު އެމީހާވެސް އަމިއްލައަށް މަރުވެއްޖެއެވެ.

އެމެރިކާގެ ނިއުޔޯރކްގެ ބްރޫކްލިންގެ ހަރަކާތްތެރިވަމުން އަންނަ މި މިއުޒިކް ބޭންޑަކީ އެގައުމުގައި ދިރިއުޅެމުން އަންނަ އީރާނުގެ ޒުވާނުންތަކެއްގެ މައްޗަށް އެކުލަވާލާފައިވާ ރޮކް ބޭންޑެކެވެ.

ނިއުޔޯކް ޑެއިލީ ނިއުސް އިން ހާމަކޮށްފައިވާގޮތުގައި 'ދަ ޔެލޯ ޑޯގްސް' ނަމުން މަޝްހޫރުވެފައިވާ މިރޮކް ބޭންޑުގެ ލަވަކިޔުންތެރިޔާ މެމްބަރުންނަށް ބަޑިން ހަމަލާދީ ތިން މެމްބަރުން މަރާލައި އެއްމެމްބަރު ވަރަށް ބޮޑަށް ޒަހަމްކޮށްލައި އޭނާ އަމިއްލަގަޔަށް ބަޑި ޖަހައ އަމިއްލައަށް މަރުވިއެވެ.

މީނާ މިޢަމަލު ހިންގާފައިވަނީ ބޭންޑުގެ މިއުޒިކު ކުޅޭ ސާމާނު ބޭންޑުގެ އެހެން މެމްބަރުންނަށް ނާންގާ ވިއްކުމުން އޭނާ ބޭންޑުން ވަކިކުރުމުން އެކަމާ ހިތްހަމަ ނުޖެހިގެންނެވެ.