ފުލުހުންނަށް ބުޅަލެއް ގުޅުމުން ގޭގެ ދޮރުވައްޓާލައިފި
6 ނޮވެމްބަރ 2013 23:34
ލަންޑަންގެ ފުލުހުންގެ ހޮޓްލައިން 999 އަކަށް ބުޅަލަކަށް އޮޅިގެން ގުޅުމުން ބޮޑުކަންތައްގަނޑެއް ހިނގަމުން އަންނަ ކަމަށް ހީކޮށް ޖޭމްސް ކޮކްސެޖް ކިޔާ މީހެއްގެ ގޭގެ ދޮރުވައްޓާލައިފިއެވެ.
ފުލުހުންގެ ޚާއްޞަ ޓީމަކުން ލަންޑަންގެ މިފްލެޓްގެ ދޮރުވައްޓާލިއިރު އެތަނުގައި އެއްވެސް މީހެއް ނެތެވެ. ފުލުހުން ހާމަކުރިގޮތުގައި އެގޭގެ ކަބަޑެއްގެ ތެރެއިން ބުޅަލެއް ފެނިފައިވާކަމަށެވެ.
ފުލުހުން މައުލޫމާތު ދީފައިވާގޮތުގައި 999 އަށް އެގެއިން ލިބުނު ފޯނު ކޯލަކީ އެއީ އެބުޅަލަށް އޮޅިގެން ފޯނުގެ މައްޗަށް އެރިގެން ގުޅުނު ގުޅުމެއްކަމަށް ބެލެވޭ ކަމަށެވެ. އަދި ފޯނުން އިވުނު އަޑުތަކަކީ އެބުޅަލާއި އެހެން ބުޅަލަކާއި ކޯޅުނު އަޑުކަމަށް ބެލެވޭ ކަމަށްވެސް ފުލުހުން ބުނެއެވެ.33 އަހަރުގެ ސައުންޑް އިނޖީނިއަރެއް ކަމުގައިވާ ޖޭމްސް ކޮކްސެޖްއަށް މިހާދިސާ ހިނގާފައިވާކަން އެނގުނީ އޭނާ ގެއަށް އައިރު ގޭގެ ދޮރު ވައްޓާލާފައިވާތަން ފެނުމުން ފުލުހުންނަށް ގުޅުމުންނެވެ.
ކިޔުންތެރިންގެ ހިޔާލު