އޮޕަރޭޝަނަށްފަހު އަލްހާނަށް ހިނގޭނެ ދުވަހެއް ނޭނގޭ: އާއިލާ
5 ފެބްރުއަރީ 2014 1:16
ރައްޔިތުންގެ މަޖިލީހުގެ ފޭދޫދާއިރާގެ މެންބަރު އަލްހާން ފަހުމީގެ ބުރިކަށްޓަށް ދިންހަމަލާއާ ގުޅިހެން ކުރިއޮޕަރޭޝަނަށްފަހު އޭނާއަށް ހިނގޭނެ ދުވަހެއް އަދި ނޭނގޭ ކަމަށް އާއިލާއިން ބުނެފިއެވެ.
ލަންކާގެ ސެންޓްރަލްހޮސްޕިޓަލުގައި އޮޕަރޭޝަން ކުރުމަށްފަހު މިހާރު އައިސީޔޫގައިއޮތް އަލްހާން އަދި 4 ވަރަކަށްދުވަހު އައިސީޔޫގައި އޮންނަންޖެހޭނެ ކަމަށް އާއިލާއިން ވާހަކަ ދެއްކި މެންބަރު ބުންޏެވެ.
އޭނާ ބުނީ ފަސްގަޑިއިރުގެ އޮޕަރޭޝަނަކަށް ފަހު އަލްހާންގެ މައިބަދައިން ބުރިވެފައިވާ ނާރު މިހާރުވަނީ ގުޅުވާފައި ކަމަށެވެ. "އޮޕަރޭޝަން ކާމިޔާބު ކަމަށް ޑޮކްޓަރުން އެބުނަނީ ނާރު ގުޅުވައިލެވުމުން" އޭނާ ބުންޏެވެ. "އޮޕަރޭޝަނަށްފަހު ޑޮކްޓަރުން ބުނެފައިވަނީ ކަށިކޮޅެއް މަދުކަމަށް. އެކަށިކޮޅު އުފެދެން ދުވަސް އެނަގަނީ. ޑޮކްޓަރުން ބުނަނީ އެކަށިކޮޅު އުފެދުމަށްފަހު ހިނގޭނެ ކަމަށް. ނަމަވެސް އެކަމަށް ހޭދަވާނެ މުއްދަތެއް ޑޮކްޓަރުންނަށްވެސް ނޭނގޭ،" އޭނާ ބުންޏެވެ.
އަލްހާނަށް "އަވަސްރިކަވަރީއެއް" ހޯދައިދިނުމަށް ސިންގަޕޫރުގެ ޑޮކްޓަރަކާ ވާހަކަ ދައްކަމުންދާ ކަމަށްވެސް އާއިލާއިން ބުންޏެވެ. ލަންކާއިން އެކަށީގެންވާ ވަރަށް ވަރުވާ ނުލިބޭ ކަމަށްވާނަމަ ޑޮކްޓަރުގެ ލަފާގެ މަތިން އަލްހާން ސިންގަޕޫރަށް ގެންދަންވެސް އާއިލާއިން ވިސްނަމުންދާ ކަމަށް އޭނާ ބުންޏެވެ.
އަލްހާނުގެ ބުރިކަށްޓަށް ވަޅިން ހަމަލާދީފައިވަނީ މިދިޔަ ހޮނިހިރު ދުވަހުގެރޭ 9.00 އެހައިކަންހާއިރު ބްރޭކްވޯޓަރ ރެސްޓޯރެންޓުގައި އިންނަވަނިކޮށްނެވެ. މިމައްސަލަ ފުލުހުން ގެންދަވަނީ ބައްލަވަމުންނެވެ.
ކިޔުންތެރިންގެ ހިޔާލު