ޖީއެމްއާރުގެ ވާހަކަ އިންޑިއާ ސަރުކާރުންދައްކާނެ ކަމަށް އުންމީދު ނުކުރަން: ރައީސް ޔާމީން
1 ޖެނުއަރީ 2014 12:43
އިބްރާހިމް ނާސިރު އިންޓަނޭޝަނަލް އެއާޕޯޓް(އައިއެންއައިއޭ) ކުރިން ހިންގަމުން ގެންދިޔަ ކުންފުނި ކަމަށްވާ އިން ޑިއާގެ ޖީއެމްއާރު ކުންފުނީގެ ވާހަކަ އިންޑިއާސަރުކާރުން ދައްކާނެ ކަމަށް އުންމީދު ނުކުރައްވާ ކަމަށް ރާއްޖޭގެ ރައީސުލްޖުމްހޫރިއްޔާއަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އިންޑިއާއަށްމިއަދު ފެށްޓެވި ތިން ދުވަހުގެ ދަތުރުފުޅުގައި ފުރާވަޑައިގެންނެވުމުގެ ކުރިން އައިއެންއައިއޭގައި ނޫސްވެރިންނަށް މައުލޫމާތު ދެއްވަމުންނެވެ.
ރައީސް ޔާމީން މިއަދުވެސް ވިދާޅުވީ އެއާޕޯޓުހިންގަން އިންޑިޔާގެ ޖީއެމްއާރު ކުންފުންޏާ އަލުން ހަވާލުކުރުމަކީ ސަރުކާރުގެވިސްނުންފުޅެއް ނޫންކަމަށެވެ. އަދި އިންޑިއާ ސަރުކާރުންވެސް އެވާހަކަ ނުދައްކަވާކަމަށް ވިދާޅުވިއެވެ. އެމަނިކުފާނު އިންޑިއާއަށް ވަޑައިގެން އިންޑިއާ ސަރުކާރާއެކުބާއްވާ ބައްދަލުވުންތަކުގައިވެސް އެވާހަކަ ދައްކަވާނެ ކަމަށް އުންމީދު ނުކުރައްވާކަމަށް ރައީސް ވިދާޅުވިއެވެ.
އެމަނިކުފާނު ވިދާޅުވީ ޖީއެމްއާރު ކުންފުނީގެމައްސަލައަކީ ދެކުންފުނީގެ ދެމެދުގައިއޮތް މައްސަލައެއް ކަމަށެވެ. "އަޅުގަނޑުމެންނަށް އެއާޕޯޓް މުހިންމު ވަނީ މިއީ އަޅުގަނޑުމެންނަށް އެންމެބޮޑު އާމްދަނީއެއް ލިބޭ ވަސީލަތަކަށްވެފައި މިއީ ސަތޭކައިން ސަތޭކަ ސަރުކާރުގެ ކުންފުންޏަކަށް ވާތީ" ރައީސް ވިދާޅުވިއެވެ.
ރައީސް ޔާމީން ވިދާޅުވީ މިދަތުރުފުޅުގައި ރާއްޖޭގައިހުރިވިޔަފާރީގެ ފުރުސަތުތަކާބެހޭ ގޮތުން އިންޑިއާގެ ވިޔަފާރިވެރިންނާ ބައްދަލުކުރައްވައިވާހަކަފުޅު ދައްކަވާނެ ކަމަށެވެ. އެބައްދަލުވުންތަކުގައި، ޖީއެމްއާރުގެބޭފުޅުންވެސް ތިއްބެވުމަކީ އެކަށީގެންވާ ކަމެއް ކަމަށް ވިދާޅުވިއެވެ. ނަމަވެސްޖީއެމްއާރުގެ ބޭފުޅުން އެމަނިކުފާނާ ވަކިން ބައްދަލުކުރައްވަން އެދިފައިނުވާކަމަށްވެސް ވިދާޅުވިއެވެ.
ރައީސް ވިދާޅުވީ މިދަތުރުފުޅުގެ ސަބަބުން ރާއްޖެއަށް ދަތިވެފައިމު ކަންތައްތަކަށްލުޔެއް ލިބިގެންދާނެ ކަމަށް އުންމީދު ކުރައްވާ ކަމަށެވެ. އެގޮތުން ވިސާގެމައްސަލައާއި، ހިލައާއި، ހިލަވެލީގެ މައްސަލަވެސް ހައްލުވާނެ ކަމަށް އުންމީދުކުރައްވާ ކަމަށް ވިދާޅުވިއެވެ.
މިއީ ރައީސް ޔާމީން، 2013 ނޮވެމްބަރ 17 ވަނަދުވަހު ވެރިކަމާ ހަވާލުވެ ވަޑައިގެންނެވުމަށްފަހުރާއްޖެއިން ބޭރަށް ކުރައްވާ ރަސްމީ ފުރަތަމަ ދަތުރުފުޅެވެ.
މިދަތުރުފުޅުގައި ރައީސް ޔާމީންގެ އަރިހުގައި ޖުމްހޫރީ ޕާޓީގެ ލީޑަރ ގާސިމް އިބްރާހީމާއި، މޯލްޑިވްސް ޑިވެލޮޕްމަންޓް އެލަޔަންސްގެ ލީޑަރ އަހުމަދު ސިޔާމް މުހަންމަދު ބައިވެރިވެވަޑައިގަންނަވައެވެ. މިއީ ކޯލިޝަން ސަރުކާރުގެ އެންމެ އިސް ދެބައިވެރިންނެވެ.
މިއީ އިންޑިޔާގެ ރައީސް ޝްރީ ޕްރަނާބް މުކަރުޖީގެ ދަޢުވަތަކަށް، ރައީސް ޔާމީނާއި، އެމަނިކުފާނުގެ އަނބިކަނބަލުން ފާޠިމަތު އިބްރާހީމް، އިންޑިޔާއަށް ކުރައްވާ ދަތުުރުފުޅެކެވެ. ރައީސުލްޖުމްހޫރިއްޔާގެ ދެކަނބަލުން ނިއުދިއްލީއަށް ފުރާވަޑައިގަތީ، މި ދަތުރުފުޅަށް އިންޑިޔާ ސަރުކާރުން ހަމަޖައްސަވައިދެއްވި ޚާއްޞަ މަތިންދާ ބޯޓެއްގައެވެ.
މިބޭފުޅުންގެ އިތުރަށް ފޮރިން މިނިސްޓަރ ދުންޔާ މައުމޫން، އިކޮނޮމިކް މިނިސްޓަރ މުހަންމަދު ސައީދާއ،ި ޓޫރިޒަމް މިނިސްޓަރ،އަހުމަދު އަދީބާއި، ޔޫތު މިނިސްޓްރީގެސްޓޭޓް މިނިސްޓަރ މުހައްމަދު ޣައްސާން މައުމޫނާއި، ރައީސް އޮފީހުގެ މިނިސްޓަރ މުހައްމަދު ހުސައިން ޝަރީފާއި، ހެލްތު މިނިސްޓަރ ޑރ. މަރިޔަމް ޝަކީލާއާއި، ފޮރިން ސެކްރެޓަރީ ޑރ. އަލީ ނަސީރު މުހައްމަދު ބައިވެރިވެވަޑައިގަންނަވައެވެ.
ކިޔުންތެރިންގެ ހިޔާލު