އެމްޑީޕީގެ މުޒާހަރާގައި ބޭނުންކުރި ޕިކަޕް ތިންހާސް ރުފިޔާއިން ޖުރިމަނާ ކޮށްފި
6 އޮކްޓޯބަރ 2013 20:34
އެމްޑީޕީއިން ރޭ ކުރި މުޒާހަރާގައި ބޭނުންކުރި ޕިކަޕް 15 ދުވަހަށް ޓޯވ ކުރުމަށްފަހު 3000 ރުފިޔާއިން ޖުރިމާނާ ކޮށްފި ކަމަށް ފުލުހުން ހާމަކުރައްވައިފިއެވެ.
މިޕިކަޕް ހިފަހައްޓާފައިވަނީ ޗާންދަނީ މަގުންނެވެ. ޕިކަޕް ހިފެހެއްޓުމަށްފަހު ޖުރިމަނާ ކޮށްފައިވަނީ އާއްމުންގެ ހިތްތަކުގައި ބިރުވެރިކަން އުފެދޭގޮތަށް ދުއްވުމާއި އެއްގަމު ދަތުރުފަތުރުގެ ޤާނޫނާ ޚިލާފުވުމުގެ ސަބަބުން ކަމަށް ފުލުހުން މައުލޫމާތު ދެއްވިއެވެ.
ފުލުހުން ބުނެފައިވަނީ މި ޕިކަޕު ހިފަހައްޓައި ބަލައިފާސްކުރިއިރު އޭގެތެރެއިން ނުރައްކާތެރި ހަތިޔާރުގެ ގޮތުގައި ބޭނުންކުރެވިދާނެ އާލަތްތައް ފެނިފައިވާ ކަމަށެވެ. އަދި ހެލްމެޓާއި މާސްކުތަކެއްވެސް ފެނިފައިވާ ކަމަށެވެ. ޕިކަޕް ހިފެހެއްޓިއިރު ދުއްވަން އިންމީހާވެސް މިހާރުވަނީ ފުލުހުންގެ ބެލުމުގެ ދަށުގައި ކަމަށް ފުލުހުންގެ މީޑިއާއިން ހާމަ ކުރެއްވިއެވެ.
ފުލުހުންގެ ކްރިމިނަލް އިންވެސްޓިގޭޝަން ޑިޕާޓްމަންޓުން މިމައްސަލަ ތަހުޤީޤު ކުރަމުންދާ ކަމަށްވެސް ފުލުހުންވަނީ ބުނެފައެވެ.
ކިޔުންތެރިންގެ ހިޔާލު