މިޞްރުގެ ސަންއާގައި ފަތުރުވެރިން އަރުވައިގެން ދިޔަ ބަހެއް ގޮއްވާލައިފި
16 ފެބްރުއަރީ 2014 22:21
ޔަހޫދީ ދައުލަތާ އިންވެގެން އޮންނަ މިސްރުގެ ސަންއާގައި ފަތުރުވެރިން އަރުވައިގެން ދިޔަ ބަހެއް ގޮއްވާލައިފިއެވެ.
ބޮމުގެ މިހަމަލާގައި މަދުވެގެން ހަތަރު މީހުން މަރުވެފައިވާކަމަށް ޚަބަރުފަތުރާ ވަސީލަތްތަކުން ހާމަކުރެއެވެ. ޔަހޫދީ އިސްތިއުމާރުގެ އަނިޔާވެރި ފުލުހުން ރޮއިޓާސްއަށް ހާމަކޮށްފައިވާގޮތުގައި ޔަހޫދީ އިސްތިއުމާރީ ދައުލަތުގެ ބޯޑަރުކައިރިން ބޮމެއް ގޮވި އަޑު އެމީހުންނަށްވަނީ އިވިފައެވެ.
ފަތުރުވެރިން އަރުވައިގެންދިޔަ ބަހަށް ދިން މިޓެރަރިސްޓް ހަމަލާގައި މަރުވެފައިވަނީ ބަސް ދުއްވަން އިން މިސްރު މީހަކާއި އަދި ސައުތު ކޮރެއާގެ 3 ފަތުރުވެރިންނެވެ. ހެލްތު މިނިސްޓްރީގެ ސްޕޯކްސްޕާސަން އަޙްމަދު ކާމިލް އޭއެފްޕީއަށް ހާމަކޮށްފައިވާގޮތުގައި ތޭރަ ފަތުރުވެރިންނަށް ވަނީ މިހަމަލާގައި އެކިވަރުގެ ޒަޚަމްތައް ލިބިފައެވެ.
މިސްރުގެ އިންޓީރިއަރ މިނިސްޓަރު މައުލޫމާތު ދީފައިވާގޮތުގައި މިއީ ޤާހިރާއިން ޔަހޫދީ އިސްތިއުމާރަށް ވަނުމަށް ދިޔަ ބަހެކެވެ.
ފަތުރުވެރިން އަރުވައިގެން ދިޔަ މިބަހަށް ބޮމުގެ ހަމަލާދީފައިވަނީ ކިހިނެއްކަމެއް އޮފިޝަލުން ހާމަކޮށްފައިނުވެއެވެ.
ކިޔުންތެރިންގެ ހިޔާލު