މޫސުން ގޯސްވުމުގެ ސަބަބުން މުރްސީގެ ޝަރީޢަތުގެ އަޑުއެހުން ފަސްކޮށްފި
8 ޖެނުއަރީ 2014 19:54
ސްކަރީ ބަޣާވާތަކުން ވެރިކަމުން ވައްޓާލާފައިވާ މިޞްރުގެ ރައީސް މުޙައްމަދުމުރްސީއާއި އަދި އިތުރު 130 މީހަކާ ދެކޮޅަށް ޤާހިރާގެ އިސްތިއުނާފް ކޯޓުގައި ހިނގަމުން އަންނަ މައްސަލައިގެ އަޑުއެހުން މިމަހު 28 ވަނަ ދުވަހަށް ތާވަލްކޮށްފައިވަނިކޮށް މޫސުން ގޯސްވުމުގެ ސަބަބުން އަޑުއެހުން ކޯޓުން ފަސްކޮށްފިއެވެ.
މިސްރުގެ ޤައުމީ މީޑިއާއިން ހާމަކުރާގޮތުގައި އެލެގްޒެންޑްރިއާގެ މެޑިޓެރޭނިއަން ސިޓީގައި ހުންނަ މުރްސީ މިހާރު ބަންދުގައި ބަހައްޓާފައިވާ ޖަލުން ޤާހިރާގެ ކޯޓަށް ކުށްވެރިން ގެންދާ ހެލިކޮޕްޓަރަށް ދަތުރު ނުކުރެވޭވަރަށް ޖައްވުގައިވަނީ ދުންފިނި އުފެދިފައެވެ.
2011 ވަނަ އަހަރުގެ ޖެނުއަރީމަހު މުރްސީއާއި އަދި އިޚްވާނުލް މުސްލިމުންގެ އިތުރު ލީޑަރުންގެ ބަޔަކު ވަނީ ޖަލުން ފިލާފައެވެ.
މުރްސީ ވެރިކަމުން ވެއްޓުމާއި އެކު މިސްރުގެ އަސްކަރިއްޔާއިންވަނީ އިޚްވާނުލް މުސްލިމުންގެ މީހުން އެކި މައްސަލަތަކުގައި ހައްޔަރުކުރަމުންނެވެ. އަދި މިހާރު އެޖަމާޢަތަކީ އެއީ ޓެރަރިސްޓް ޖަމާޢަތެއްކަމަށް ނިންމައި އެޖަމާޢަތުގެ ހަރަކާތްތައް މިސްރުގައި މިހާރުވަނީ މަނާކޮށްފައެވެ.
ކިޔުންތެރިންގެ ހިޔާލު