ހޫސީޓެރަރިސްޓު ޖަމާޢަތުގެ ހަމަލާތަކުގައި ޒަހަމްވަމުންދާ މީހުންނަށް އެހީވުމަށް ޤަބީލާތަކުން ގޮވާލައިފި

ޔަމަނުގައި ޝީޢީންގެ ވަކި ދައުލަތެއް ޤާއިމްކުރުމަށްއީރާނުގެ އެހީތެރިކަމާއެކު ހަނގުރާމަ ކުރަމުން އަންނަ ހައްދުފަހަނައަޅާފައިވާ ހޫސީޖަމާޢަތުގެ އަނިޔާވެރި ހަމަލާތަކުގެ ޝިކާރައަކަށް ވެފައިވާ މުސްލިމު އަޚުންގެ ބޭސްފަރުވާއަށް މާލީގޮތުން އެހީވުމަށް ހޫސީންގެ އަނިޔާވެރިކަމާ ދެކޮޅަށް ހަނގުރާމަ ކުރަމުން އަންނަ ޤަބީލާތަކުގެ ތަރުޖަމާނަކު އިލްތިމާސް ކުރައްވައިފިއެވެ.

"އޭ ލޮބުވެތިވެގެންވާ ސުންނަތުގެ އަހުލުވެރިންނޭވެ. ފަހެ، އަޅުގަނޑު ތިޔަ އަޚުންގެ ސަމާލުކަމަށް ގެންނަން ބޭނުންވަނީ، ޒަޚަމްވެފައިވާ އަޅުގަނޑުމެންގެ އަޚުންވަނީ ތިޔަ އަޚުންގެ އެހީތެރިކަމަށް ބޭނުންވެފައެވެ. އެހެނީ އަޅުގަނޑުމެންގެ ހޮސްޕިޓަލްތަކެއް ނުހުރެއެވެ. ފަހެ އެއަޚުންނަށް އެހީތެރިކަމުގެ އަތެެެއް ފޯރުކޮށްދިނުމަށް އެންމެން އެކުގައި މަސައްކަތްކުރުމީ އެއީ ރިބާތުގެ މައިދާނަށް ވާސިލްވުމުގެ ކުޅަދާނަކަން ލިބިފައިނުވާ ފަރާތްތަކުގެ ބޮލުގައިއެޅިފައިވާ ޒިންމާއެއް ކަން ކަށަވަރެވެ. އެހެނީ އެއަޚުންނަކީ އެއީ އަޅުގަނޑުމެންގެ ބެލުމުގެ ދަށުގައިވާ އަމާނާތެކެވެ،"  ޝަބަތަކުލް ޢުލޫމްގައިޝާއިޢުކޮށްފައިވާ ބަޔާނުގައި ޝައިޚް ޚާލިދް އަލްޣަރްބާނީ އަލްހާޝިމީ ހާމަކުރެއްވިއެވެ.

ޝައިޚް ޚާލިދު އިތުރަށް ވިދާޅުވިގޮތުގައި ޒަޚަމްވެފައިވާ ފަރާތްތައް މިހާރުވަނީ ޔަމަނުގެ ވެރިކަން ކުރާ ރަށް ޞަންޢާއަށް ގެނެވިފައެވެ. އަދިއެއަޚުންނަށް ހައްދަންޖެހޭ އެކި ޓެސްޓުތަކާއި އަދި ގަންނަންޖެހޭ ބޭހުގެ އަގުވަރަށް ބޮޑުކަމަށާއި އަދި  އެއަޚުންގެ ބޭސްފަރުވާއަށްއެއްވެސް ފަރާތަކުން ސްޕޮންސަރ އެއް ކޮށްފައި ނުވާކަން އޭނާ ފާހަގަ ކުރެއްވިއެވެ.

"ފަހެ އެއަޚުންނަށް ފަރުދީގޮތުން އެހީވުން ނޫންގޮތެއްނެތެވެ. އަދި މިކަމުގައި ޔަމަނުގެ ސުންނަތުގެ ބައެއް އަހުލުވެރިންނާއި އަދި ބޭރުގެބައެއް ދައުލަތްތަކުގެ އަޚުން ދެެއްވަމުން އަންނަ އެހީތެރިކަން މިދަނޑިވަޅުގައިފާހަގަކުރަމެވެ. މާތް ﷲ އެފަރާތްތަކަށް ހެޔޮ ޖަޒާދެއްވާށިއެވެ،" ޝައިޚްޚާލިދްގެ ބަޔާނުގައި ވިދާޅުވެފައިވެއެވެ.

ހޫސީންގެ އަނިޔާވެރި ހަމަލާތަކުގައި ޒަޚަމްވެފައިވާ އަޚުންނަށް އެހީތެރިވެދިނުމުގެ ގޮތުން ވެސްޓަރން ޔޫނިއަން ފަދަ ފައިސާ ފޮނުވައިދޭ ތަންތަން މެދުވެރިކޮށް ޒަޚަމްވެފައިވާ އަޚުންގެ ކަންތައްތަކާއި ހަވާލުވެ ހުންނަވާ މަސްއޫލުވެރިންނަށް މާލީ އެހީތެރިކަން ފޮނުވައިދެއްވުމަށް ޝައިޚް ޚާލިދުގޮވާލައްވާފައިވެއެވެ.

އީރާނުގެ ސަރުކާރުގެ ޚާއްޞަ އެޖެންޑާއެއްގެ ދަށުންޔަމަނުގެ އުތުރުގައި ޝީޢީ ވެރިކަމެއް ޤާއިމްކުރުމަށް މަސައްކަތް ކުރަމުން އަންނަ މިޖަމާޢަތުން ވަނީ ޔަމަނުގެ ވާދީއެއް ކަމުގައިވާ ދައްމާޖު އެތައް ދުވަހެއް ވަންދެން ޙިޞާރުކޮށް އަދި އެޖަމާޢަތުން ދަނީ ދައްމާޖުގެ ޢިލްމުވެރިންނާއި، ކިޔަވާކުދިންނާއި، ކުޑަކުދިންނާއި، މުސްކުޅިންނާއި އަދި އަންހެނުން އެއްވެސްޙައްޤަކާއި ނުލާ މަރަމުންނެވެ.

ޔަމަނުގެ ސުންނީންގެ ދީނީ ތަޢުލީމްދޭ މަރުކަޒުތަކަށްހަމަލާދީ ޤުރްއާން ގެ ޙުރުމަތްކަނޑާ މިފަދަ ނުބައި ޢަމަލުތައް ހިންގުމަކީ އެއީ ހޫސީޖަމާޢާތުން ވަރަށް އާންމުކޮށް ކުރަމުން އަންނަ ކަންތައްތަކެވެ.

ޔަމަނުގެ ސުންނީންނާ ދެކޮޅަށް ޓެރަރިސްޓު އެތަކެއް ޢަމަލުތައްހިންގަމުން އަންނަ ހޫސީ ޖަމާޢަތަކީ އެއީ ޓެރަރިޓް ޖަމާޢަތެއްކަމަށް ބެލެވެންނެތްކަމަށް އެމެރިކާއިން ވަނީ ދާދިފަހުން ބުނެފައެވެ.