އެމެރިކާއިން ޔަމަނަށް ޑްރޯން ހަމަލާދީ އަނެއްކާވެސް މުސްލިމުން ތަކެއް މަރާލައިފި
11 ނޮވެމްބަރ 2013 0:36
އެމެރިކާއިން ޔަމަނުގެ އަބްޔަނަށް ޑްރޯން ހަމަލާތަކެއްދީ އަނެއްކާވެސް އެޤައުމުގެ މުސްލިމުންތަކެއް މަރާލައިފިއެވެ.
ޔަމަނުގެ ދާޚިލީ ވުޒާރާއިން ހާމަކުރި ގޮތުގައި ޔަމަނުގެ ދެކުނު ސަރަޙައްދުގައި އޮންނަ އަބްޔަން އަށް މިދިޔަ ބުރާސްފަތި ދުވަހު އެމެރިކާއިންވަނީ ޑްރޯނުން ހަމަލާތަކެއްދީފައެވެ.
ޔަމަނުގައި ހަރަކާތްތެރި ވަމުންދާ އަލްޤާއިދާގެ ޓެރަރިސްޓުން ނައްތާލުމަށްޓަކައި ކަމަށް ބުނެ އެމެރިކާއިން ދިން މިހަމަލާގައި މަދުވެގެން ފަސް މީހުން މަރުވެފައިވާކަމަށް ޔަމަނުގެ ދާޚިލީ ވުޒާރާއިން ބުނެއެވެ. އަދި އެވުޒާރާއިން ހާމަކޮށްފައިވާ ގޮތުގައި މިހަމަލާގައި މަރުވެފައިވަނީ އަލްޤާއިދާއަށް ނިސްބަތްވާ ބައެކެވެ.
ނަމަވެސް، އަބްޔަނުގެ އާންމު ރައްޔިތުން ހާމަކުރާގޮތުގައި އެމެރިކާއިން ދެމުންގެންދާ ޢުދުވާނީ ހަމަލާތަކުގައި މުޅިންވެސް މަރުވަމުން ގެންދަނީ އެސަރަޙައްދުގެ އާންމު ރައްޔިތުންނެވެ.
އެއްވެސް ޝަރްޢީ މަރުހަލާއެއް ނެތި، ޓެރަރިސްޓުން ކަމަށް އެމެރިކާއިން ތުހުމަތު ކުރާ މީހުން އެމެރިކާއިން މަރަމުންދާތީ އިންސާނީ ޙައްޤުތަކާއި ބެހޭ ވަރަށް ގިނަ ޖަމާޢަތްތަކުން ދަނީ އެކަމަށް ނުރުހުން ފާޅުކުރަމުންނެވެ.
ކިޔުންތެރިންގެ ހިޔާލު