މުރްސީގެ ޝަރީޢަތް މިމަހު 28 އަށް ތާވަލްކޮށްފި
2 ޖެނުއަރީ 2014 22:01
ޢަސްކަރީ ބަޣާވާތަކުން ވެރިކަމުން ވައްޓާލާފައިވާ މިޞްރުގެ ރައީސް މުޙައްމަދު މުރްސީއާއި އަދި އިތުރު 130 މީހަކާއި ދެކޮޅަށް ޤާހިރާގެ އިސްތިއުނާފް ކޯޓުގައި ހިނގަމުން އަންނަ މައްސަލައިގެ އަޑުއެހުން މިމަހު 28 ވަނަ ދުވަހަށް ތާވަލްކޮށްފިއެވެ.
ޤާޒީ މިދުހަތު އިދްރީސް ހާމަކުރިގޮތުގައި 2011 ވަނަ އަހަރުގެ މުޒާހަރާތްތަކުގައި ޖަލުފަޅާލި މައްސަލައަކާއި ގުޅިގެން މިޞްރުގެ ރައީސް މުރްސީއާއި އަދި އިތުރު 130 މީހަކާއި ދެކޮޅަށް ކޯޓުގައި ހިނގަމުން އަންނަ މައްސަލައިގެ ޝަރީޢަތް ޖެނުއަރީ 28 ވާ ބުރާސްފަތި ދުވަހަށް ވަނީ ތާވަލްކޮށްފައެވެ.
2011 ވަނަ އަހަރުގެ ޖެނުއަރީމަހު މުރްސީއާއި އަދި އިޚްވާނުލް މުސްލިމުންގެ އިތުރު ލީޑަރުންގެ ބަޔަކު ވަނީ ޖަލުން ފިލާފައެވެ. މިމަހު 28 ވަނަ ދުވަހަކީ މުރްސީ ޖަލުން ފިލިތާ 3 އަހަރުވާ ދުވަހެވެ.
މުރްސީ ވެރިކަމުން ވެއްޓުމާއި އެކު މިސްރުގެ އަސްކަރިއްޔާއިންވަނީ އިޚްވާނުލް މުސްލިމުންގެ މީހުން އެކި މައްސަލަތަކުގައި ހައްޔަރުކުރަމުންނެވެ. އަދި މިހާރު އެޖަމާޢަތަކީ އެއީ ޓެރަރިސްޓް ޖަމާޢަތެއްކަމަށް ނިންމައި އެޖަމާޢަތުގެ ހަރަކާތްތައް މިސްރުގައި މިހާރުވަނީ މަނާކޮށްފައެވެ.
ކިޔުންތެރިންގެ ހިޔާލު