ފޭސްބުކް އިން 'އަންފްރެންޑް' ކުރުމުން މޫނަށް ހޫނުފެން ޖަހައިފި
5 ޖެނުއަރީ 2014 23:28
ފޭސްބުކް އިން 'އަންފްރެންޑް' ކުރުމުން އިންޑިއާގެ ފުރާވަރު އުމުރުގެ ޒުވާނަކު އަންހެން ކުއްޖެއްގެ މޫނަށް ހޫނުފެން ޖަހައިފިއެވެ.
އުތުރު އިންޑިއާގެ ބިހާރް ސްޓޭޓްގައި ހިނގައިދިޔަ މިހާދިސާއާއި ބެހޭގޮތުން އެސަރަޙައްދުގެ ފުލުހުން ހާމަކުރާގޮތުގައި މިކަން ކޮށްފައިވަނީ އުމުރުން 15 އަހަރުގެ ފިރިހެން ކުއްޖެކެވެ. އަދި މީނާ މިކަން ކުރަން އުޅުމުން އަންހެން ކުއްޖާގެ މަންމަ އެދޭތެރެއަށް ވަދެގަތުމުން މީނާވަނީ އަންހެން ކުއްޖާގެ މަންމަ ކޮއްޕައި ބިމަށް ވައްޓަލާފައެވެ.
މިހަމަލާގެ ސަބަބުން އަންހެން ކުއްޖާގެ މޫނުގެ 20 އިން ސައްތަ ބައި ވަނީ އެކީ އަނދާފައެވެ.
މުޒައްފަރުޕޫރު ކޮލެޖުގައި ކިޔަވަމުންދާ މިފިރިހެން ކުއްޖާއަކީ އަންހެން ކުއްޖާގެ ބައްޕަ ކައިރިއަށް ޓިއުޝަނަށް އަންނަ ކުއްޖެކެވެ. އަންހެން ކުއްޖާ ބުނެފައިވާގޮތުގައި މިފިރިހެންކުއްޖާ ފްރެންޑް ރިކުއެސްޓް ފޭސްބުކުން ފޮނުވާފައިވަނީ މީގެ އަހަރެއްވަރު ކުރިންނެވެ. އަދި އޭނާ އިތުރަށް ހާމަކުރި ގޮތުގައި އެފިރިހެން ކުއްޖާ އަންފްރެންޑް ކުރަން ޖެހުނީ އޭނާ މާބޮޑަށް "އަޅައިގަނެގެން އަބަދު އުޅޭތީ"އެވެ.
ކިޔުންތެރިންގެ ހިޔާލު