އިންޑިއާގެ މިނިސްޓަރެއްގެ އަންހެނުން ހޮޓަލެއްގެ ތެރޭ މަރުވެފައިވާ އޮއްވާ ފެނިއްޖެ
20 ޖެނުއަރީ 2014 1:32
އިންޑިއާގެ ހިއުމަންރިސޯސް މިނިސްޓަރ ޝަޝީ ތަރޫރްގެ އަންހެނުން ހޮޓަލެއްގެ ކޮޓަރިއެއްގެ ތެރޭގައި މަރުވެފައި އޮއްވާ ފެނިއްޖެއެވެ.
ސުނަންޑާ ޕުޝްކަރުގެ ހަށިގަނޑު ފެނިފައިވަނީ ލީލާ ޕެލަސްގެ ކޮޓަރިއެއްގެ ތެރެއިން ކަމަށް މިނިސްޓަރ ތަރޫރްގެ ޚާއްޞަ ސެކްރެޓަރީ އަބިނާވް ކުމާރް ހާމަކުރިއެވެ.ޕުޝްކަރު މަރުވެފައި އޮއްވާ ފެނިފައިވަނީ މިނިސްޓަރ ތަރޫރަށް ކަމަށްވެސް ނޫސްތަކުން ބުނެއެވެ.
"ފުރަތަމަ ހީކުރީ ނިދާފައިކަމަށް، ނަމަވެސް ފަހުން މާގިނައިރުވީމައި އެނގުނީ މަރުވެފައިކަން،" 52 އަހަރުގެ ޕުޝްކަރުގެ މަރާބެހޭގޮތުން ކުމާރު ހާމަކުރިއެވެ.
ކުމާރް މައުލޫމާތުދީފައިވާގޮތުގައި ޕުޝްކަރުގެ މަރުވީ ކިހިނެތްކަމާއި ކޮން ވަގުތަކު ކަން އަދި ބުނަން ދަތިނަމަވެސް އޭނާގެ ހަށިގަނޑުން އެއްވެސް ހާނިއްކައެއްވެފައިވާކަމުގެ ނިޝާނެއް ފެންނަން ނެތްކަމަށެވެ. އަދި ފުލުހުން މިހާރު އެމައްސަލަ ބަލަމުންދާ ކަމަށްވެސް އޭނާ ހާމަކުރިއެވެ.
ތަރޫރްގެ މޭގައި ރިއްސާތީ މިހާރު އޭނާވަނީ ހޮސްޕިޓަލުގައި އެޑުމިޓް ކޮށްފައެވެ. ޕުޝްކަރު މަރުވެފައިވަނީ ދާދިފަހުން ތަރޫރްއާއި ޕާކިސްތާނުގެ ނޫސްވެރިއެއް ކަމަށްވާ މެހްރް ތަރާރުއާ އެކު އޮތް ސިއްރު ލޯބީގެ "ކުޅިގަނޑެއް" ބޭޒާރުވެފައިވަނިކޮށެވެ.
ކިޔުންތެރިންގެ ހިޔާލު