ޑީލަރެއްގެ އަތުން ގަންޖާފަތްތަކެއް ވަގަށް ނެގުމުން ފުލުހުންނަށް އަންގައިފި
21 ޑިސެމްބަރ 2013 23:22
އެމެރިކާގެ މުރޭ އެވެނިއުގައި ދިރިއުޅެމުން އަންނަ މަސްތުވާތަކެތި ވިއްކާ ޑީލަރެއްގެ އަތުން މަސްތުވާތަކެތީގެ ބާވަތެއްކަމުގައިވާ ގަންޖާފަތްތަކެއް ވަގަށް ނެގުމުން އެމީހާ އެކަން ފުލުހުންނަށް ރިޕޯޓުކޮށްފިއެވެ.
ފުލުހުން ހާމަކުރިގޮތުގައި މިމީހާ ރިޕޯޓުކޮށްފައިވާގޮތުގައި މިމީހާގެ އަތުން އެމަސްތުވާތަކެތިތައް ގެންގޮސްފައިވަނީ އިރުއޮއްސުނު ވަގުތުއެވެ. އަދި އޭނާ ބުނެފައިވާގޮތުން އޭނާ އެވަގުތު ހުރީ އޭނާގެ ރަހުމަތްތެރިއަކާއި އެކު ގަންޖާ ބިޑިއެއް ބޯށެވެ.
ފުލުހުން ބުނެފައިވާގޮތުގައި މިމީހާގެ އަތުން ގެއްލުނުކަމަށް އޭނާ ބުނަނީ 25 ގްރާމް ގަންޖާފަތް ކަމަށެވެ. އަދި މިމަސްތުވާތަކެތީގެ އިތުރުން އެދެމީހުންގެ ފޯނާއި އަދި ވޮލެޓްވެސް ގެއްލިފައިވާކަމަށް ރިޕޯޓުކޮށްފައިވެއެވެ.
މިމައްސަލައާއި ގުޅިގެން އެއްވެސް މީހަކު ހައްޔަރުކޮށްފައި ނުވާކަމަށް ޚަބަރުތަކުން ބުނެއެވެ.
ކިޔުންތެރިންގެ ހިޔާލު