މާމިގިލީ ގެއަކުން ވަގަށްނެގި ސާމާނުތަކެއް ހޯދައި ވެރިފަރާތާ ހަވާލުކޮށްފި
13 އޮކްޓޯބަރ 2013 21:26
އދ. މާމިގިލި ގެއަކުން ވަގަށް ނަގާފައިވާ ތަކެތި ހޯދައި އެތަކެތީގެ ވެރިފަރާތާ ހަވާލުކޮށްފިކަމަށް ފުލުހުން ހާމަކުރައްވައިފިއެވެ.
ވައްކަމުގެ މިހާދިސާގައި ފުލުހުން ހޯދާފައިވާ މިތަކެތީގެ ތެރޭގައި ހިމެނެނީ ލެޕްޓޮޕަކާއި ލެޕްޓޮޕް ޗާޖަރަކާއި އެކްސްޓާނަލް ހާޑެއްގެ އިތުރަށް ފޯނަކާއި ހެޑް ސެޓެކެވެ.
މި މައްސަލަ ފުލުހުންނަށް ހުށަހަޅާފައިވަނީ ރޭ ފަތިހު ކަމަށް ފުލުހުން ބުނެފައިވެއެވެ. މާމިގިލި ޕޮލިސް ސްޓޭޝަނަށް ހުށަހެޅުނު މި ވައްކަމުގެ މައްސަލައާއި ގުޅިގެން ވަގަށް ނަގާފައިވާ ތަކެތި ހޯދުމަށްޓަކައި ފުލުހުން ކުރަމުންދިޔަ މަސައްކަތުން އެތަކެތި ހޯދާފައިވަނީ މިއަދުގެ ވަގުތެއްގައެވެ. އެތަކެތި ފެނިފައިވަނީ މާމިގިލި ފަޅު ގެއެއްގެ ތެރެއިން ކަމަށްވެސް ފުލުހުން ވަނީ ހާމަކުރައްވާފައެވެ.
މި މައްސަލަ އދ. މާމިގިލި ޕޮލިސް ސްޓޭޝަނުން ދަނީ ތަހުޤީޤު ކުރަމުންނެވެ.
ކިޔުންތެރިންގެ ހިޔާލު