އާދަޔާޚިލާފު ގިނައިން ޖަޕާނަށް ސްނޯވެހި 7 މީހުން މަރުވެއްޖެ
9 ފެބްރުއަރީ 2014 22:30
ޖަޕާނަށް އާދަޔާޚިލާފަށް ގިނައިން ސްނޯވެހި 7 މީހަކު މަރުވެ 1000 އަށް ވުރެ ގިނަ މީހުން ޒަޚަމްވެއްޖެއެވެ.
ޚަބަރުތަކުން ބުނާގޮތުގައި ޖަޕާނުގެ މޫސުންގޯސްވުމުގެ ސަބަބުން އެޤައުމުގެ އެތަކެއް ސަރަޙައްދު ތަކުންވަނީ ކަރަންޓު ކެނޑިފައެވެ.ޖަޕާނުގެ ޤައުމީ ޓީވީ ޗެނަލް އެންއެފްކޭއިން ހާމަކުރާގޮތުގައި ގަދަޔަށް ސްނޯވެހުމުގެ ސަބަބުން މަރުވި މީހުން މަރުވެފައިވަނީ ކާރު އެކްސިޑެންޓްތަކުގައެވެ.
މޫސުމާބެހޭ އިދާރާގެ ރެކޯޑްތަކުން ދައްކާގޮތުގައި ހޮނިހިރުދުވަހު ޓޯކްޔޯއަށް ސްނޯ ވެހިފައިވަނީ 27 ސެންޓިމީޓަރަށެވެ. އަދި މިއީ މިވީ 45 އަހަރު ތެރޭގައި ޖަޕާނަށް އެންމެ ގިނައިން ސްނޯ ފޭބިއަހަރެވެ.
ޖަޕާނުގެ އުތުރު ސެންޑާއި ސިޓީއަށް ސްނޯ ވެހިފަިއވަނީ 35 ސެންޓިމީޓަރަށެވެ. މިއީ ފާއތުވި 78 އަހަރު ތެރޭގައި އެންމެ ގިނައިން އެސަރަޙައްދަށް ސްނޯ ފޭބިއަހަރެވެ.
ކިޔުންތެރިންގެ ހިޔާލު