އުތުރު ޔޫރަޕަށް އެރި ބޮޑު ތޫފާނުގައި މިހައިތަނަށް 8 މީހުން މަރުވެފައިވޭ
29 އޮކްޓޯބަރ 2013 20:03
އުތުރު ޔޫރަޕްއަށް އެރި ބޮޑު ތޫފާނުގައި މިހައިތަނަށް 8 މީހުން މަރުވެފައިވާ ކަމަށާއި އަދި 300000 ގެއަކުން ކަރަންޓް ކެނޑިފައިވާ ކަމަށް ބޭރުގެ ޚަބަރުފަތުރާ ވަސީލަތްތަކުން ހާމަކޮށްފިއެވެ.
މިތޫފާނުގައި އިނގިރޭސިވިލާތުގެ 4 މީހުން މަރުވެފައިވާއިރު، ޖަރުމަނުގައި އެކަކު އަދި ނެދަލެންޑުގައި އެކަކު އަދި ފްރާންސްގައި އެކަކު މަރުވެފައިވެއެވެ.
ދެކުނު އިނގިރޭސިވިލާތުގެ ގޮނޑުދޮށުގައި ކުޅެން އިން 14 އަހަރުގެ ކުއްޖަކު ހޯދުމުގެ މަސައްކަތް ކަނޑު މާބޮޑަށް ގަދަވުމުގެ ސަބަބުން މެދުކަނޑާލާފައިވާކަމަށް ސަލާމަތީ ބާރުތަކުން ހާމަކުރެއެވެ.
"މިއީ އަޅުގަނޑުމެންނަށް ލިބުނު ވަރަށް ބޮޑު ހިތާމައެއް،" އިނގިރޭސިވިލާތުގެ ބޮޑުވަޒީރު ޑޭވިޑް ކެމެރަން ވިދާޅުވިއެވެ.
އެޤައުމުގެ މޫސުމާބެހޭ އޮފީހުން ހާމަކުރާ ގޮތުގައި ދެކުނު އިނގިރޭސިވިލާތުގެ ވައިޓްގެ ވައިގެ ބާރުމިން ގަޑިއަކު 99 މޭލަށް ގަދަފައިވެއެވެ. ގަދަ ވަޔާއި ގަދަ ވިއްސާރައިގެ ސަބަބުން އުތުރު ޔޫރަޕްގެ ޤައުމުތަކުގެ އެތަކެއް ހާސް ގަސްތަކެއް ވެއްޓި އެކި މަގުތައް ބަންދުވެ ރޭލުގެ ޚިދުމަތްވަނީ ކެންސަލް ކޮށްފައެވެ.
ޔޫރަޕްގެ ޤައުމުތަކަށް އެރި މިތޫފާނުގެ ސަބަބުން ހުޅަނގު ދެކުނު އިނގިރޭސިވިލާތުގެ ނިއުކްލިއަރ ޕަވަރ ސްޓޭޝަނެއްގެ ކަރަންޓްވެސް ވަނީ ކެނޑިފައެވެ. އަދި މިތޫފާނުގައި ބަކިންހަމް ޕެލަސްއަށް އަސަރުކޮށްފައިވާތީ އިނގިރޭސިވިލާތުގެ ރާނީ އެލިޒަބު 2 މިހާރު ވަނީ އެހެން ތަނަކަށް ދިރިއުޅުން ވަގުތީގޮތުން ބަދަލު ކުރައްވާފައެވެ.
ކިޔުންތެރިންގެ ހިޔާލު