ދެބޯލީ އޫރެއް ޗައިނާގައި ވިހައިފި

އިރުމަތީ ޗައިނާގެ ޖިއާންގްޒީ ޕްރޮވިންސްގެ ވެރިރަށް ނަންޗަންގްގައި ދެބޯލީ އޫރެއް ވިހައިފިއެވެ. ފޮޓޯތަކުން ފެންނަގޮތުގައި ވިހޭއިރު ދެބޯލީ މިއޫރުގައި ތިން ލޮލާއި، ދެނޭފަތާއި ދެއަނގަވެއެވެ.

މިއޫރާއި އެކު ދިހަ އޫރު އެއްފަހަރާއި އޭގެ މައިއޫރު ވިހައިފައިވެއެވެ. އަދި ކެއުމާއި ބުއިމުގައި މިއޫރުގައި އުނދަގޫކަމެއް ހުންނަ ކަމުގައި އޭގެ ވެރިމީހާ ހާމަކޮށްފައިވެއެވެ.

"ވާގޮތަކީ އޭތި ކޮންމެ އެއްޗެއް ކެއުމާއި ބުއިމުގެ ކުރިން ހުއްޓުންއަރާ. ކޮން އަނގަޔަކުންކަމެއް ބޯންވީ ނުވަތަ ކާންވީ، އެކަން ނޭގިފަ ހުންނަނީ،" ޑު ގެންޝެންގް ބުނިއެވެ.

"ބައެއްފަހަރު ދެއަނގައިންވެސް ކައިބޮއެ ހަދަން އުޅެނީ. ދެން ނުކެވިފަ އޮންނަނީ އެހެންވާއިރު،" އޭނާ ކިޔައިދިނެވެ.