ކޮށްޓަކަށް ދަރިފުޅުލައިގެން 40 އަހަރުވަންދެން ގެންގުޅެފި
14 ޑިސެމްބަރ 2013 22:19
ޗައިނާގެ އަންހެނަކު އޭނާގެ ފިރިހެން ދަރިފުޅު އަމިއްލަ ނަފްސަށް ގެއްލުން ދީފާނެ ކަމުގެ ބިރަށް 40 އަހަރުވަންދެން ކޮށްޓަކަށް ލައިގެން ގެންގުޅެފިއެވެ.
އުމުރުން 48 އަހަރުގެ ޕެންގް ވެއިންގްގެ މަންމަ އޭނާގެ އުމުރުން 6 އަހަރުއްސުރެ އޭނާ ގެންގުޅެފައިވަނީ ކޮށްޓަކަށް ލައިގެންނެވެ.
ތުއްތު އިރު ހުން އައުމަށްފަހު ސިކުނޑީގެ މައްސަލަ ޖެހިފައިވާ ވެއިންގް އަކީ ދޭތެރެ ދޭތެރެއިން އެޕިލެޕްސީ ފިޓް ޖެހޭ މީހެކެވެ.
އޭނާގެ މަންމަ ޕެންގް ވައިމެއި ހާމަކުރިގޮތުގައި އޭނާ ވެއިންގް ކޮށްޓަކަށް ލައިގެން ގެންގުޅެން ޖެހުނީ އޭނާގެ އަމިއްލަ ނަފްސަށް ގެއްލުމެއް ދީފާނެކަމުގެ ބިރުންނެވެ. އަދި އޭނާ ބުނިގޮތުގައި ވެއިންގްގެ ބައްޔަށް ބޭސްކުރާކަށް އޭނާއަތަކު ފައިސާއެއްވެސް ނުހުރެއެވެ.
"އޭނާއަކީ އޭނާގެ ނަފްސް ކޮންޓްރޯލް ކުރެވޭ ކުއްޖެއް ނޫން. ކުޑައިރު އެތަކެއް ފަހަރު ވަޅިން އަމިއްލަ ނަފްސަށް ގެއްލުންދީ ހަދާފައިވަނީ. ހިނގަހިނގާ ހުރެފައިވެސް ހަމަ ކުއްލިއަކަށް ބޯކޮޅުވަތަށް ވެއްޓިދާނެ. އެއީ އަހަރެންގެ 48 އަހަރުގެ ދަރިފުޅު. އޭނާއަށް އަހަރެން އިނގޭނެ. މަންމައެއްގެ މާނަ ނޭނގުނު ކަމުގައިވިޔަސް،" ވައިމެއި ކިޔާދިނެވެ.
ކިޔުންތެރިންގެ ހިޔާލު