ގައުމީ ޓީމަށް ކޯޗެއް ހަމަޖެއްސުމަށް މިދަނީ މަސައްކަތް ކުރަމުން – ސުޒޭން
21 އޮކްޓޯބަރ 2013 0:08
އަންނަ މަހު ފަހުކޮޅު ސީޝެލްސްއާ ދެކޮޅަށް ކުޅުމަށް ހަމަޖެހިފައިވާ އެކުވެރިކަމުގެ މެޗުގެ ކުރިން ގައުމީ ޓީމަށް ކޯޗެއް ހަމަޖެއްސުމަށް މަސައްކަތް ކުރަމުންދާކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ޑިރެކްޓަރ އޮފް ނެޝަނަލް ޓީމްސް އަލީ ސުޒޭން ވިދާޅުވެއްޖެއެވެ.
ސުޒޭން ވިދާޅުވީ ރާއްޖޭގައި ކުރިން މަސައްކަތް ކޮށްފައި ހުރި ކޯޗަކާ މިފަހަރު ގައުމީ ޓީމު ހަވާލު ނުކުރާނެކަމަށެވެ. "ރާއްޖޭގައި ކުރިން މަސައްކަތް ކޮށްފައި ހުރި ކޯޗަކާ މިފަހަރު ގައުމީ ޓީމު ހަވާލު ނުކުރާނެކަމުގެ ޔަގީންކަން ދެން. އެކަމަކު އަޅުގަނޑުމެން މަސައްކަތް ކުރަމުން މިދަނީ އޭޝިޔާގައި ތަޖުރިބާތަކެއް ހޯދާފައި ހުރި ކޯޗެއް ހަމަޖެއްސުމަށް" ސުޒޭން ވިދާޅުވިއެވެ.
މީގެ އިތުރުން ސުޒޭން ވިދާޅުވީ މިހާރުވެސް ބައެއް ކޯޗުން ސީވީ ފޮނުވާފައިވާކަމަށެވެ.ރާއްޖޭ ގައުމީ ޓީމުގެ ކޯޗްކަމުގެ މަގާމް ހުސްވެފައި މިވަނީ މުސާރަ އާއި އާއިލީ މައްސަލަތަކާ ހުރެ ކޯޗްކަމުން އިސްތަވާން އުރުބާނީ ވަކިވެ އޭނާ އެނބުރި ގައުމަށް ގޮސްފައި ވަނިކޮށެވެ.
ކިޔުންތެރިންގެ ހިޔާލު